Җырчы Ринат Рахматуллин: «Минем хатын үзе “әби”

- Ринат абый, ничек хәлләрегез?

- Нормально, от души!

- Күптән түгел иреккә чыктыгыз. Ничек иректә хис-кичерешләр?

- Ирек – ирек инде ул, Олеся. Ну башта кыен иде, «адаптироваться» итеп булмады. Хәзер инде бар да әйбәт. Мин инде анда булмаган да кебек.

- Хәзер инде эчмим, дигәнсез. Бер дә капканыгыз юкмы әллә?

- Юк. 1987 елдан бирле тарткан кеше сигаретны да ташлады, беләсеңме!

- Берәр әбигә бардыгызмы әллә?

- Минем хатын «әби». Үзе лечить итә момент. Талантлары бик көчле.

- Хатыныгызга ничә яшь?

- Әлегә сер. Ну яшь инде, яшь.

- Сез әйткәнсез: «Төрмә кемнең кем икәнен күрсәтте», – дип. Нәрсәдән чыгып әйттегез сез моны?

- Бер генә смс язмаган кешеләр дә булды. Вакытлары булмагандыр инде, һәрбер кешенең үзенең проблемалары. Ә чыккач инде «О, братан, друг», тегесе-монысы.

- Хәзер күп артистларның исемнәре бар. Сезнең юк. «Обидно» түгелме?

- Концерт саен әйтәм. Бөтен эте-бетенә шуны биреп бетерделәр. Күз кысып ала башладылар. Миңа бик кирәкми ул. Халык болай да белә минем кем икәнемне.

- Ну, булса ярый инде, әйеме?

- Ярый инде. Бирсәләр алабыз.