17 майда «Рубин»ның чемпион белән уенына кил!
Ә моның өчен бары җанатар паспорты гына алырга кирәк.
Ә моның өчен бары җанатар паспорты гына алырга кирәк.
17 май "Казан-Арена" стадионында Казан "Рубин"ы Мәскәүнең ЦСКА командасы белән очраша.
Россия футбол премьер-лигасы матчын бушлай карау мөмкинлеге дә бар. Моның өчен ни бары җанатар паспортын (FAN-ID) гына ясатырга кирәк. Шунда ук билетны да кулыңа бирәләр.
Җанатар паспорты олыларда гына түгел, балаларда да булырга тиеш. 14 яше тулмаган балалары өчен паспортны ата-аналары тутыра ала. Документны Бауман урамындагы "Родина" кинотеатрында һәм Четаев урамы, 10нчы йорт адресы буенча алып була.
"Рубин" - ЦСКА матчы Конфедерация Кубогы алдыннан сынау матчы. Ягъни, бу көнне тамашачыларны кертү, шәһәр транспорт схемасын төзү кебек җаваплы хезмәтләрне җайга салалар. Җанатар паспортына анкетаны www.fan-id.ru сылтамасы буенча да тутырып була. Бу очракта үзегезнең дә, паспорт ясаучы хезмәткәрләрнең дә вакытын экономиялисез. Җанатар паспорты алган кешеләр матч көнне җәмәгать транспортыннан да бушка файдалана.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар