Шәһри Казан

Ишегалларына чират җитте

Казанда сентябрь аена кадәр тагын 100 ишегалдында спорт мәйданчыклары җиһазландырылачак.

Реклама

Шәһәр хакимиятендә булган киңәшмәдә мэр Илсур Метшин узган атнада башкалада тагын бер «Спорт-хаус» ишегалды спорт клубы ачылуын, ишегалды спорт төрләре буенча «MIK Street Workout» ачык Бөтенроссия турниры үткәрелгәнлеген уңай яктан бәяләде. «Сыртланова урамындагы сквердагы кебек спорт мәйданчыгы һәр районда гына түгел, ә һәр микрорайонда булырга тиеш. Моңа зур чыгымнар таләп ителми», - диде ул. Мэр әйткәнчә, һәр кеше спорт белән шөгыльләнә алачак. «Спорт-хаус»лар чагыштырмача арзан бәядән шөгыльләнү мөмкинлеге бирә, ә ишегалды һәм мәктәп яны спорт мәйданчыкларында түләү дә кирәкми. Районнар хакимиятләре башлыклары июль аенда ишегалларын барлаячак. Кулай дип табылган ишегалларына августта спорт җиһазлары урнаштырала.

Теги: 250
Нравится
Поделиться:
Реклама
Комментарии (0)
Осталось символов: