16+

«Төзекләндерелгән юллар биш елга түзәргә тиеш»

6-17 июль көннәрендә узачак Универсиадага әзерлек кысаларында, Казанда 29 юлга реконструкция, ә 57 урам юлына капиталь төзекләндерү үткәрелә.

«Төзекләндерелгән юллар биш елга түзәргә тиеш»

6-17 июль көннәрендә узачак Универсиадага әзерлек кысаларында, Казанда 29 юлга реконструкция, ә 57 урам юлына капиталь төзекләндерү үткәрелә.

Башкала мэры Илсур Метшин: «Капиталь төзек­ләндерелгән юллар 5 елга тү­зәргә тиеш. Әлеге вакытка кадәр ватылулар була икән, подрядчы оешма юл өслеген үзе төзәтә, бюджеттан бер тиен дә акча бирелмәячәк. Шунлыктан, эшнең сыйфаты хакында алдан ук уйлансыннар», - дип кисәтте. Былтыр 45 урам юлы тө­зекләндерелде. Болар - Чистай, Чернышевский, Мәс­кәү, Сул як Болак, Уң як Болак, М.Сә­лимҗанов, Павлюхин, Эсперанто, Н.Ершов, Кол Гали, Университет, ТЭЦ, Ваһапов, Волков, Бутлеров һәм башка урамнар. Шәһәр башкарма комитеты комиссиясе төзек­ләнде­рел­гән юлларны тикшерә. Капиталь төзелеш һәм реконструкция идарәсе җи­тәкчесе урынбасары Илья Коротихин әйткәнчә, яңа юллар кышны исән-имин чыккан. «Декабристлар урамы юлы өслегендә кайбер урыннарда яргаланулар күзәтелә. Подрядчы оешма аны инде үз акчасына төзәтәчәк», - диде ул.
Быел Тукай, Глушко, Яңа Дәүләки, Гарифьянов һәм Сыртланова урамнары, Ленин дамбасы, Матюшино юлы, Себер трактыннан БСМПга илтүче юл, Оренбург тракты белән Ферма шоссесын тоташтыручы юл өслекләренә ахыргы катлам тәртибендә вак таш-ябышкак асфальт бетон (ЩМА) тү­шәләчәк. Иң колачлы һәм четерекле саналучы Татарстан, Островский һәм Пушкин урамнары юлларын капиталь төзекләндерүгә керешеләчәк. Казанның зур боҗра юлының Декабрист­лар урамыннан 3 нче транспорт дамбасына кадәр­ге өлешенә реконструкция тәмамланды. Дамбадан башлап Сахаров урамына кадәрге участокта юл өслеге ахыргы катлам - ЩМА бе­лән капланачак.
Роща Фрунзе, С.Хәким (Декабристлар урамыннан Бичурин урамына кадәр) урамнарында, «Kazan-Arena» футбол стадионы тирәсендә, Солдат, Серов (Лена урамыннан Восход урамына кадәр) урамнарында, гомумән, яңа юллар төзелеше бара.
Казанлылар төзекләндерелгән юллардагы кимчелекләр турында мэриянең kzn.ru Интернет кабул итү порталына, шулай ук Татарстан Хөкүмәте порталының «Народный контроль» адресына хәбәр бирә алалар. Хәбәргә җимерелгән юлның фотосурәтен һәм тәгаен урынын теркәү мәслихәт.

Язмага реакция белдерегез

0

0

0

0

0

Реакция язылган инде

Комментарийлар

Мөһим

loading