#Төрлесе 06 июля 2017, 09:47

Елый белмәү – күңел катылыгыннан...

06 июля 2017, 09:47

Скопировать ссылку

• Елый белмәү - күңел катылыгыннан. Күңел катылыгы - гөнаһлар саны артуыннан. Гөнаһлар артуы - хыялларга артык бирелүдән. Хыялларга артык бирелү - үлемне онытудан. Үлемне оныту - бу дөньяны артык яратудан. Ахирәтне онытып, бу дөньяны артык ярату - ул барлык хаталарның башы...

• Мал-мөлкәткә гашыйк булсаң, Кыямәт көнендә аның өчен җавап бирәсеңне онытма.

• Зур, матур йортны бик яратсаң, кабергә керәсеңне дә онытма.

• Нинди дә булса мәхлукка гашыйк булсаң, аны бар кылган Яратучы турында онытма.

• Аллаһ яраткан нәрсәләргә игътибарыңны юнәлтсәң, Ул дөнья эшләреңне сине шатландырырлык итеп кайгыртыр.

• Йортыңны кунаклар көткән кебек чиста тот, йөрәгеңне үлемне көткән кебек чиста тот.

• Балаларыңа Аллаһы Тәгалә турында сөйләмәсәң, соңрак Аллаһы Тәгаләгә балаларың турында сөйләргә туры киләчәк.

#250