Шәһри Казан

Айгыр Мәрьяме кайда югалды яки Рафис Фазылҗан эстрадада нигә кызык тапмый башлаган?

Рафис Фазылҗанов: "Эстрадада техник яктан, сәхнә бизәлеше ягыннан алга китеш бар... Тик эчтәлек ягы һаман да шул - алга да китми, артка да калмый".

Популяр эстрада артисты, пародия һәм юмор остасы Рафис Фазылҗан үзенең юморист имиджына нокта куеп, эстрада сәхнәсеннән күптән югалган иде. Ул башка образда сәхнәгә кайтырга җыена - Флорид Бүләковның "Сөясеңме, сөймисеңме?" пьесасы буенча әзерләнгән җитди моноспектакль чыгарган. "Анда дүрт образны бер кеше уйный ала торган итеп әйләндердем. Миңа хәзер кеше көлдерү өчен анекдот сөйләү кызык түгел. Сәхнәдән фикер, төпле сүз әйтәсем килә, - ди ул. - Бәлки мине онытмаган тамашачы "Яңадан чыккан", дип кабул итәр, ләкин бу эстрада түгел, бу - театр. Бу минем күптәнге хыялым иде, материал таптым, фикере дә бар. Бәлки, бу моноспектакль белән районнарга да чыгармын. Әле шомартырга кирәк - Казан өчен иртәрәк", - ди артист.

Реклама

Менә тугыз ел инде Рафис Фазылҗанов Казанның Дәрвишләр бистәсендә урнашкан Сәет-Галиев исемендәге Мәдәният сараенда татар халык театрын җитәкли. Әлеге театр быел үзенең 70 еллыгын билгеләп үтә.

Тамашачы аны җитди образда кабул итәрме - анысын киләчәк күрсәтер, әмма тамашачы Рафисның пародия остасы булган чакларын яхшы хәтерли дияргә нигез бар. Чөнки, интернеттагы эзләү системасында "Рафис Фазылҗан" дип яза башлауга аны "Айгыр Мәрьяме" дип тәкъдим итә. Бу - Рафис Фазылҗановның еш куллана торган сәхнә образы иде.



"Мин Сәет-Галиев исемендәге Мәдәният сараенда халык театрын җитәкләү өстенә, директор урынбасары вазифасын да башкарам - шуңа эстрада өчен вакыт җитми, икенчедән, минем өчен эстраданың кызыгы бетте. Төшеп калды дип әйтмәсеннәр өчен генә чыкканым булмады. Кызык түгел икән - димәк, чыкмыйм. Сәхнәгә чыгуым минем үзем өчен кызык булырга тиеш. Миңа юмор уйнау кызык түгел", - ди Рафис Фазылҗанов.

Бүгенге эстрада тамашаларына килгәндә, Рафис аларны үзе эшләгән Мәдәният сараенда карый. "Техник яктан, сәхнә бизәлеше ягыннан алга китеш бар. Безнең кебек ике микрофон куеп кына чыгып сөйләмиләр. Тулысынча бизәлгән, төтеннәре дә бар, - ди ул эстрадада калган коллегалары турында. - Тик эчтәлек ягы һаман да шул - алга да китми, артка да калмый..."

Интертат




Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    319
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    450
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    816
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    12
    0
    0