Шәһри Казан

Быел җәй белән бергә җиләкләр дә бер айга «соңарды» (БӘЯЛӘР)

Башка елларны бу вакытка җир җиләген җыеп хәлдән тая идек инде. Быел ул әле яңа гына өлгереп килә. Яңгырлар яву сәбәпле, беренче чиратта кызарган җиләкләрнең тәме үзгәрәк иде. Әмма җылы кояш нурлары үз эшен эшләде, берничә көн эчендә җиләк тә тәмлеләнде, балланды. Киләсе көннәр дә шулай матур торса, биек үлән арасында эре булып үскән җиләкләр бу атнаның ахырына тәмам кызарып өлгерәчәк.

Үзебез өчен дип җыючыга да, сатучыга да җиләк-җимеш җитәрлек анысы. Әнә, Казанның Үзәк базарында җаның тели, шуннан авыз итәргә мөмкин. Дөрес, узган еллар белән чагыштырганда, бәяләр кыйммәтрәк.

Реклама

- Җиләк-җимешләр быел бер айга соңрак өлгерде. Башка елларны каен җиләген 10 июньнән сата башлый идек, быел 10 июльдә генә базарга чыга алдык. Алып килгән җиләгебез сатылып бетеп бара. Сорау күп булгач, бәяләрне әллә ни төшермибез. Менә бу җиләкләрне кич җыйган идек, - диде Мари Элдан килеп каен җиләге сатучы егет.

Бер майонез чиләге каен җиләген 280-300 сумнан саталар. Ә бакча җиләгенең килограммы - 120-140 сум тора. Лаештан килгән җиләкләрнең бәясе - 160 сум. Җир җиләге узган атнада гына пешә башлагангамы, анысын кыйммәтрәккә - килограммын 200-250 дән бирәләр.

- Иртән торып дүрт сәгать эчендә 12 литрлы чиләкне тутырам. Эссе, авыр булса да ел саен менә шулай җиләк җыеп сату итәбез. Быел кигәвен күп, эшне бераз катлауландыра. Алып килгән җиләкләребезне сатып бетереп кайтабыз анысы, - ди Балык Бистәсеннән килгән апа.
Казан базарларында якын-тирә районнарда яшәүчеләр сату итә: Лаеш, Югары Ослан, Балык Бистәсе. Шулай ук Мари Эл һәм Чувашстан республикасыннан килүчеләр дә бар.

Бакчаларда карлыган, чия, крыжовник өлгерергә иртәрәк әле. Якынча тагын бер-ике атна кирәктер. Ә менә җиләк-җимеш үстерү белән махсус шөгыльләнә торган хуҗалыкларда кура җиләге, чия, крыжовник пешкән икән инде. 200 граммлы стакандагы кура җиләге - 100 сум (узган атнада 150 сум булган), крыжовникның 1 килограммы - 180-200 сум, чиянеке 250 сум тора.

Базар рәтләренең берничә урынында гына булса да кара һәм кызыл карлыган да күренде. Карасының килограммы 250 сум булса, кызылы 200 сум тора.

Сатуга караҗиләк белән кара бөрлегән дә чыккан. Дөрес, әлегә алар бик кыйммәт. Мәсәлән, кара бөрлегәннең килограммы 500 сумнан башлап 800 сумга кадәр, ә караҗиләк 300 сум тора. Тәҗрибәле сатып алучылар сүзләренә караганда, әлеге җиләк-җимешкә бәяләр берничә атнадан төшәчәк. Шуңа күрә әлегә халыкның күпчелеге каен һәм бакча җиләген күпләп сатып ала.

- Узган ялларда Югары Осланга каен җиләген җыярга дип махсус кайттык. Алты килограмм чамасы җыеп та килдек. Тик шулай да һәр җиләкнең үз тәме. Быел менә бакча җиләгеннән авыз итми калган идек. Анысын базардан алырга булдык, - дип сөйләнә-сөйләнә сатып алды бер абзый.

Бик эре кара бөрлегәнгә кызыгып, каян китерелгәнен сораштыра башлаган идем дә, анысы читтән кайтартылган булып чыкты. Ә караҗиләк, әлбәттә инде, Мари Элда үскәне.

Чыккан-чыккан дип, базарда сатыла торган яшелчәләргә дә күз салдык. Биредә өй кыярын, помидорын сатучылар да бар. Кыярның бәясе - 70-80 сум булса, помидор - 100-200 сум. Яңа бәрәңге - 30-40 сум. Яшел тәмләткечләрдән суган (10 сум), укроп (5-10 сум), петрушка (15-20 сум) да күп сатыла базарда. Яшел Үзән районында яшәүче туганнарыбыз быел гөмбәнең бик уңганлыгын әйткән иде. Ә әтәч гөмбәсен 130 сумнан сатып торучы Мари Эл апасы, киресенчә, гөмбәнең аз булуыннан зарланды.

Кыскасы, быел яшелчә, җиләк-җимешсез калабыз, дип борчылырлык бер сәбәп тә юк. Ходай биргән нигъмәтләрдән авыз итеп, күп төрле витаминнар җыеп калыйк, җәмәгать.

ФОТОРЕПОРТАЖ


Нравится
Поделиться:
Реклама
Комментарии (0)
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    279
    0
    0
  • 23 май 2018 - 14:59
    Гөлназ АСАЕВА: «Булачак иремне ике әтиемә дә охшатып сайлыйм» Гөлназ АСАЕВА – моңлы тавышлы яшь җырчы. 16 яшеннән бирле ялгызы гына концертлар куя. Сәхнәдә ул тыйнаклыгы һәм бай репертуары белән аерылып тора.
    665
    0
    4
  • 23 май 2018 - 14:47
    Доктор Комаровский: «Картлыгыңда 20 оныгың булганчы, бер бабаең булсачы» Кичә Казанда танылган табиб Олег Комаровский булып китте. Ул ике көн дәвамында семинар уздырды, әти-әниләрне кызыксындырган сорауларга җавап бирде, балалар сәламәтлеге турында сөйләде. Доктор Комаровскийның киңәшләрен “ШК” сатында биреп барырбыз.
    206
    0
    1
  • 23 май 2018 - 14:33
    Нут ашы пешерү ЫСУЛЫ Аның өчен 4 литр суга 400 гр фарш, 1 стакан нут, 3 бәрәңге, 1 кишер, 1 суган, 3 тырнак сарымсак, 1 болгар борычы, 2 аш кашыгы томат пастасы, үсемлек мае, тоз, борыч кирәк.
    102
    0
    0
  • 23 май 2018 - 14:18
    Илфак Шиһаповның кызы Зәринә: «Мин – Сөембикәнең җанатары» Бу көннәрдә Саба районының Сатыш авылындагы фермада булырга туры килде. Шунда, очраклы гына дисәм дә була, бер абзый белән таныштым. Ул Юлбат авылының тарих укытучысы Илдар Сафин булып чыкты. Шул ферманың бер амбарында аның аты тора икән.
    196
    0
    2
  • 23 май 2018 - 13:44
    «Репетицияләргә йөри-йөри бер дә сөйләшми торган балабыз сөйләшә башлады» Хыялга юл. Камал театрының зур залында Баулының нәни артистлары күрсәткән сәхнә күренеше нәкъ менә шулай дип атала. Хыял чынбарлык булсын өчен күпме сабырлык, тырышлык, үҗәтлек кирәк.
    106
    0
    0
  • 23 май 2018 - 13:00
    Өйдә тортлар пешереп, аларны социаль челтәрләр аша саткан декреттагы әниләргә Президент ярдәм итәргә җыена Татарстан Президенты каршындагы Эшмәкәрлек советы республикадагы үзмәшгульлек белән кызыксына башлаган. Бу хакта Татарстанның бизнес-омбудсмены Тимур Ногманов үзенең Инстаграм битендә хәбәр итә.
    139
    0
    0
  • 23 май 2018 - 10:26
    «Тели белсәң – теләк, тели белмәсәң – имгәк» Бергә эшли торган иптәш хатыным: «Ялга чыксам эшләмим, оныкларымны гына сөеп ятам», – ди торган иде.
    302
    0
    0
  • 23 май 2018 - 10:21
    Габделбәр Илдарханов: «Урман сукмакларыннан гел узсаң да, адаштыра да, авырганда дәвалый да» Кызыл Яшьләр авылы бик матур урында, урман янында утыра. Авыл урамында нарат, агач исе... Биредә Лаеш урманчылыгының Питрәч участок урманчылыгы урнашкан.
    95
    0
    1
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    206
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    243
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    267
    0
    1
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 23 май 2018 - 10:54
    Кәгазе яңача булса да, түләве искечә калачак
    Россия халкы 1 июньнән торак-коммуналь хезмәтләр өчен яңа квитанцияләр алачак. Әлеге яңа түләү кәгазьләре искесеннән нәрсә белән аерыла һәм анда төп игътибарны нәрсәгә юнәлтәчәкләр?
    124
    0
    1
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    279
    0
    0
Ночной режим