Шәһри Казан

Чаллы туристларын Абхазиядә талаганнар: «Ике сәгаттән соң кайтсак, ишек бикле, калган 30 мең акчабыздан җилләр искән»

Абхазиядә туристларга җинаятчеләр һөҗүм итүе киң яңгырау тапты. Бу илгә ял итәргә бару елдан-ел куркыныч була бара.

Реклама

Безгә шушы төбәктә ял итеп кайткан Илдар З. шалтыратты. Ул әле генә гаиләсе белән Абхазиядән кайтып төшкән. Газетабыз аша шушы Кавказ республикасына баручыларны кисәтәсе килгән аның, дип яза "Шәһри Чаллы".
Илдар ике баласы һәм хатыны белән Гагра шәһәренең уртасында шәхси йортта яшәгән.

- Диңгездән ерак түгел, уңайлы урында башта бик ошады. Без кергән шәхси йорт хуҗалары ике аерым бүлмә бирделәр, кулга ачкыч тоттырдылар. Курыкмыйча үзегез бикләп йөрегез, дип тә әйттеләр.

Илдар әйтүенчә Абхазиядә бөтен җирдә алдыйлар, ашханәгә керсәң дә, экскурсиягә барсаң да, маршрут таксиена утырсаң да акчаның артыгын алып калалар, ә базарда әйтеп тә торасы юк, ди.

-Кайтырга өч көн кала ишекләрне бикләп диңгез буена киттек,-ди Илдар.- Ике сәгаттән соң кайтсак, ишек бикле, әммә бүлмәбез пыр-тузган, калган 30 мең акчабыздан җилләр искән. Ярый, паспортлар, башка документлар хатынның сумкасында иделәр.Ул аны һәрвакыт үзе белән йөртә. Караклар кергән дисәң, ишек бикле. Хуҗалар берни белмибез, бер кемне дә күрмәдек, дип тик торалар. Милициягә әйтәбез дигәч, безгә: "барып йөрмәгез, барыбер ярдәм итмәячәкләр", диделәр.

Иладарларның бу соңгы акчалары була, алар аны күчтәнәчләр һәм юлга азык-төлек алырга дип калдырганнар. Чит җирдә бер тиенсез калган кешене күз алдына китерегез әле? Ярый, кире кайтырга поездга билетны алдан ук алып куйган булалар. Әммә әле чикне үтеп Адлерга вокзалга барып җитәргә кирәк бит әле.

Илдар ярый үзе белән виза карточкасын алган була, анда бер тиен дә акча булмаса да шул ярдәм итә. Тиз генә Чаллыга туганнарына шалтыратып хәлне аңлата да, акча салырга куша. Ә акчаны Сочига барып алырга кирәк, Абхазиядә банкоматлар инде өч ел элек эшләми башлаган.

-Хуҗалардан кире кайтарам, дип теләнеп көчкә юлга акча алып, Сочидан туганнар җибәргән 10 мең акчаны барып алдым. Болай килгән ял итүчеләрнең әйберләрен, акчаларын урлау Гаграда киң таралган икән. Без танышкан Мәскәү кешеләрненең дә тәрәзәдән кереп кыйммәтле әйберләрен: алтын алка һәм йөзекләрен, яшереп куйган 15 мең сум акчаларын урлаганнар. Һәм тагы менә шундый урлашулар турында күп ишеттек.

Илдар Абхазиягә киләчәктә аягымны да атламыйм, ди.

Укучыларыбызга шуны әйтәсе килә: кайда ялга барганыгызны белеп барыгыз. Абхазия матур булса да, андагы күңелсез күренешләр булырга мөмкин икәнлеген исегездән чыгармагыз, диелгән район хәбәрендә.

Нравится
Поделиться:
Реклама
Комментарии (0)
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • 16 декабря 2017 в 07:33
    Ял көннәрендә көчле буран көтелә
    Бүген, 16 декабрьдә Татарстанда аязучан болытлы һава, урын белән кар, буран көтелә. Көньяктан искән җилнең тизлеге урыны белән секундына 18 метрга кадәр җитәчәк, дип хәбәр итә Татарстан Гидрометеорология һәм әйләнә-тирә мохитне күзәтү идарәсе матбугат хезмәте.
    51
    0
    0
  • 9 декабря 2017 в 09:15
    Ренат Ибраһимов: «Дин юлына баскач, бөтен дөньям яхшы якка үзгәрде» Күптән түгел Россиянең һәм Татарстанның халык артисты Ренат Ибраһимов үзенең 70 яшьлек юбилеен билгеләп узды. Шул уңайдан, баритон тавышлы җырчы күптән түгел генә туган шәһәрендә кунак булып китте. Әңгәмә вакытында сигез бала атасы үзенең намазга басуы, иҗаты һәм «Пусть говорят» тапшыруында катнашуы хакында сөйләде.
    318
    0
    0
  • 9 декабря 2017 в 15:11
    Әнкәйләр догасыннан ташламасын Җәннәт – әниләрнең табан астында, диләр. Әниләрдән дә кадерлерәк, игелеклерәк кеше юктыр. Намаз укыган ата-ананың баласы, елаганда да, мине тәрбияләгән әти-әнине җәннәтле итсәң иде дип тели, ди. Әни кешенең тугыз ай буе карынында йөрткән сабыен тулгак ачысын татып дөньяга тудыруы, аннары баласы өчен борчылып, янып-көеп яшәве турында сөйләп тормыйм. Әниләргә шагыйрьләр, язучылар дан җырлый.
    220
    0
    2
  • 9 декабря 2017 в 10:36
    Туган җиргә мәхәббәт кечкенәдән башлана Казанда «Иркенлек» («Простор») дигән туристлык һәм туган якны өйрәнү үзәге эшли, анда чаралар еш үткәрелеп тора. Балалар өчен иҗади түгәрәкләр оештырыла. Әлеге дәресләр, күнекмәләр балаларга булачак һөнәрен сайларга ярдәм итә, туган якны тирәнтен өйрәнүдә булыша.
    130
    0
    1