Шәһри Казан

Хәния Фәрхи: «Күрәсе килгән кешем – әни, иң яраткан ризыгым – әни пешергән бәлеш, барасы килгән җирем – туган авылым Салаюа»

«Үпкәләсәң, әйдә, үпкәлә, «Әлдермешкә кайтам әле», «Сагынам сине, Питрәч», «Онытылыр димә»... Хәния Фәрхи дигән исемне ишетүгә, үзеңнән-үзе шул җырларны көйли башлыйсың. Хәзер инде алар хәтер буларак яңгырар. Кичә, 57 яшендә, Татарстанның һәм Башкортстанның халык артисты Хәния ФӘРХИ якты дөньядан китеп барды... Әнисе янына Башкортстанның Тәтешле районына кайткан җиреннән, кинәт йөрәк...

«Үпкәләсәң, әйдә, үпкәлә, «Әлдермешкә кайтам әле», «Сагынам сине, Питрәч», «Онытылыр димә»... Хәния Фәрхи дигән исемне ишетүгә, үзеңнән-үзе шул җырларны көйли башлыйсың. Хәзер инде алар хәтер буларак яңгырар. Кичә, 57 яшендә, Татарстанның һәм Башкортстанның халык артисты Хәния ФӘРХИ якты дөньядан китеп барды... Әнисе янына Башкортстанның Тәтешле районына кайткан җиреннән, кинәт йөрәк өянәге тоткан. Җырчыны Казанның Татар зиратында җирләячәкләр.

Әле апрель аенда гына «Шәһри Казан»га биргән соңгы әңгәмәсендә Хәния ханым: «Үкенечем -Габделхәйгә малай табып бирә алмавым. Биктаһиров фамилиясе аңарда туктап кала», -дип үкенечен белдергән иде. Аннан, 31 май көнне, оныгы - Алия кызының өченче баласы - улы тугач, сөенече белән уртаклашты. «Бәхетнең бәхете бит бу! Уйлап кына карагыз әле, өч оныгым бар бит», -дигән иде ул. Тормыштан гел матурлык эзләргә тырышкан, гел елмаеп торган, тамашачыны бик хөрмәт иткән, искиткеч чибәр һәм талантлы җырчыбызның хәзер әнә шулай әйткән сүзләрен генә барларга калды. Урыны җәннәттә булсын!

Хәния Фәрхи белән «5»ле интервью

- Габделхәй әфәнде хакында без белмәгән 5 фактны әйтсәгез иде...
- Беренче. Тыштан бик усал һәм кырыс булып күренсә дә, бик нечкә күңелле. Күңеле тулса, мөлдерәмә күзләреннән яшьләр ага башлый. Икенче. Бик көнчел. Өченче. Акча ярата. Гаиләдә акчаны ул тота, бюджет алып бару - аның өстендә. Дүртенче. Юмарт һәм ярәмчел. Бишенче. Яхшы җитәкче. Хатын-кыз өчен 30 ел буе берөзлексез җырлау ул - батырлык. сәхнәдә Габделхәйсез озак була алмас идем. Һөнәре буенча төзүче булуына карамастан, эстрада дөньясына тиз кереп китте.

- Сезне популяр иткән, хит булып саналган 5 җырыгыз...
- «Сагынам сине, Питрәч», «Үпкәләсәң, әйдә, үпкәлә», «Онытылыр димә», «Кайтам әле Әлдермешкә», «Утыр әле, әни, яннарыма».

- Сез яраткан 5 ризык...
- Әни пешергән бәлеш, сөтле чәй, балык, ит, диңгез ризыклары.

- Сез хәзер күрәсе килгән 5 кеше...
- Әлбәттә, әни! Исән булмаганнарны да атарга ярыймы? Әтием. Алиямне, Алсуымны, оныкларымны күрәсем килә!

Реклама

- Сез ихтирам иткән 5 артист...
- Илһам абый Шакиров, Әлфия апа Авзалова, Салават, Раяз Фасыйхов, Филүс Каһиров.

- Сез барасы килгән 5 урын...
- Хәзер үк туган авылым Салаюага кайтыр идем. Лос-Анджелеска барасым килә. Мәскәү белән Санкт-Петербургны яратам. Озак-озак гастрольләрдә йөрсәм, Казаныма кайтасым килә.

- Сумкагыздагы иң мөһим 5 әйбер...
- Телефон, көзге, тональный крем, иннек һәм сөрмә сөртә торган каләм.

Азалия ИСМӘГЫЙЛЕВА. (декабрь, 2016)



- Дөньяда «үлемсезлек» дигән төшенчә бар. Шуңа дару һәм чара эзлиләр…
- Ул даруны күптән уйлап таптым инде. Бердәнбер дару һәм чара - балалар. Миңа мең ел яшәрлек дару бирәм дисәләр дә, ризалашмас идем. Ходай биргән гомерне матур итеп яшәсәң, шул бик җиткән. Урталыктан да артык яшәгән гомер инде әллә ни искитәрлек булмый (урталык итеп Хәния апа 80 яшьне саный), ә тормышның матурлыгы - балаларыңны, оныкларыңны күрү ул.

(«Безнең гәҗит», 2009)

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    438
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    311
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    362
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    48
    0
    1