Шәһри Казан

Хәния Фәрхи: «Үлемсезлек даруы кирәкми миңа...»

Халык җырчысы Хәния ФӘРХИнең төрле елларда республика газета-журналларында, интернет басмаларында дөнья күргән әңгәмәләреннән өзекләр.


- Хәния апа, тормыш һәрвакыт матурлыктан гына тормый. Кайчакта кайгы да ишекне шакый. Сезнең тормышта кайсылары күбрәк булды?
- (...) Инде шактый яшәлде. Гомеремнең кыл уртасы, көзенә авышкан чагы дияргә дә мөмкин. Бик зур югалтулар булды: әтиемне, өч бертуганымны (гаиләдә алар алты бала. - «БГ») соңгы юлга озатырга туры килде. Гомумән, күп туганнарны, иҗат дусларын югалттым. Кайгылар арасында бәйрәм, шатлыклар да булмады түгел, булды. Ике кызымның дөньяга килүе - хатын-кыз өчен зур шатлык һәм куаныч. Күп кеше: «Мин - иҗат корбаны», - дияргә ярата. Бу фикер белән һич тә килешә алмыйм. Мин, иң беренче чиратта, хатын-кыз һәм ана. Минем өчен сәнгатькә караганда балалар беренче урында тора. Оныгымның үсеп килүе дә бик зур сөенеч һәм шатлык. Халыкка танылуым, Татарстанның атказанган, халык артисты исеме алу, йолдызлар аллеясында исемемне мәңгеләштерү бизмәннең шатлыклы ягында урын алган.

- Дөньяда «үлемсезлек» дигән төшенчә бар. Шуңа дару һәм чара эзлиләр…
- Ул даруны күптән уйлап таптым инде. Бердәнбер дару һәм чара - балалар. Миңа мең ел яшәрлек дару бирәм дисәләр дә, ризалашмас идем. Ходай биргән гомерне матур итеп яшәсәң, шул бик җиткән. Урталыктан да артык яшәгән гомер инде әллә ни искитәрлек булмый (урталык итеп Хәния апа 80 яшьне саный. - «БГ»), ә тормышның матурлыгы - балаларыңны, оныкларыңны күрү ул.

- Үз тормышыгыздан кайсы чорны алып атыр идегез?
- Алай эшләү кирәк түгел. Бу - мин. Кайгы килгән икән, ул миңа килгән. Ишегеңне ачып, аны тиешле дәрәҗәдә кабул итә белергә һәм кире чыгарып та җибәрә белергә кирәк. Тормыш дәвам итә, каралып яшәргә ярамый. Нәкъ менә шул кайгылар, шушы шатлыклар мине Хәния Фәрхи итеп танытты да инде.

«Безнең гәҗит», 2009 ел.


- Шулай да Сез конферансье була алмагансыз?
- Ул вакытларда барысын да үзеңә эшләргә туры килде. Сүз уңаеннан, нәкъ менә шушы вакытларда мин үземә Фәрхи псевдонимын алдым. Беренче концертларымдагы афишаларда кыз чагымдагы фамилиямне - Хәния Хәлидуллина дип куйдым. Бу беренче иремнең бик ачуын чыгара иде. Шуңа бәйле күңелсез хәлдән соң фамилиямне үзгәртергә булдым. Фәрхи - әтием Фәрхлисламның кыскартылган варианты. Татар артистлары арасында мин беренчеләрдән булып псевдоним алдым.

- Озын-озак иҗат эшчәнлегегездә тормышка ашырасы эшләрегез калдымы әле?
- Беләсезме, без исән булганда, сулаганда, эшлисе эшләр күп әле. Татарлар: «Үлгәч тә, өч көнлек эш кала», - диләр бит. (...) Гомумән, иҗат итү - газап, җәфалану. Шулар аша ниндидер нәтиҗәләргә ирешәсең. Кайвакыт хәтта күз яшьләре аша да. Популярлык артында газаплы-баллы хезмәт ята.

«Бизнес онлайн», 2015 елның мае.

Реклама



- Хәния апа, «фәлән яшькә кадәр җырлыйм да сәхнәдән китәм» дигән уегыз юкмы?
- Алай итеп уйлаганым, план корганым юк хәзергә. Әмма җырлаудан туктасам, студиям, офисым бар, нинди дә булса эш ачарга мөмкинлегем бар. Бер дә тик тора торган кеше түгел мин. Әйтик, матурлык салоны ачарга дигән бер уем бар иде. Әмма гастрольгә йөргәндә, андый эшкә алынып булмый шул. Соңыннан күз күрер инде анысы.

- Сез бүгенге тормышыгыздан, ирешкәннәрегездән канәгатьме?
- Аллага шөкер. Көн саен Ходай Тәгаләгә рәхмәт әйтеп туймыйм. Мине арттан этүче булмады, тешем-тырнагым белән тырышып ирештем барысына да. Бер-беребезгә ярдәм итешеп яшәүче дусларым бар, рәхмәт аларга. Татарстанда бөтен мактаулы исемнәрне алдым, шөкер. 55 яшемә Рөстәм Миңнеханов «Татарстан Республикасына күрсәткән хезмәтләре өчен» медале белән зурлады. Хөкүмәт тарафыннан күрсәтелгән мондый хөрмәткә мин бик рәхмәтлемен. Киләчәктә дә шулай эшләргә, яшәргә язсын!


«Татар тудей», 2016 елның апреле.

Хәния Фәрхинең әйткән сүзләре:

«Кеше күзенә карап, урын өстендә озак ятарга язмасын»

«Туган ягымда үлсәм иде, әмма мине Казанда җирләргә кирәк. Казандагы кебек, мине беркайда да яратмыйлар»

«Йөрисен йөрдем, яшисен яшәдем инде. Үлсәм дә үкенмим...»

Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
  • Габдулла Тукай исемендәге Татар дәүләт филармониясендә легендар җырчы Әлфия Авзалованың тууына 85 ел тулуга багышланган искә алу концертынан ФОТОРЕПОРТАЖ 15.01
  • Эт елында этләр җигеп... (Горки-Әмәт урман паркыннан фоторепортаж)
Соңгы комментарийлар
Интервью
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    438
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    311
    2
    2
  • 1 февраля 2018 в 12:13
    Руслан Айсин: «Төп проблема – намус булмавында һәм рухи гариплектә» Телне саклап калу юллары бармы? Татарның милли үзаңын уятыр өчен нинди юнәлештә хәрәкәт итәргә? Рухи яктан ярлы булып, курчак кыяфәтенә кермәс өчен безгә ниләр эшләргә – болар хакында сәясәт белгече Руслан АЙСИН белән сөйләшик.
    362
    1
    3
  • 17 февраля 2018 в 14:54
    Батырлыкта өлеше бар Совет сугышчыларының Сталинград янындагы батырлыгына 75 ел тулган көннәрдә бу хакта күп языла, күп сөйләнә.
    48
    0
    1