Шәһри Казан

Һи-и, татарда...

Моңа кадәр бер игътибар иткәнем юк иде. Хәзер кеше колбаса ашамый башлаган икән бит. Менә элек сосалар иде колбасаны. Бер очраганда, ярты зарплатасына ала иде халык. Соңгы ун-унбиш елда берәрегезнең шулай иткәне бармы? Юктыр. Әйтеп торам ич, хәзер кеше колбаса ашамый башлаган.

Реклама

Менә элек алалар иде колбасаны, су буе чират иде. Чират килеп җитте дигәндә генә бетә дә куя торган иде. Шулай булмыйни, элек бит аны чын иттән ясыйлар иде. Сарымсак исләре килеп тора торган иде үзеннән. И хәзерге колбаса колбасамыни инде ул. Рәхәтләндереп чучка ите кушып ясамагач, тоткан саен бармакка мае буялып калмагач, аның колбасалыгы корсын.

Ну, кибетләрдә саткан булалар инде. Әллә нинди сортлылары бар. Бер Татарстанда гына әллә өч йөздән артык колбаса эшләүче бар, тик ашаучы юк. Шулай булырга тиештер инде ул. Һи, татарда ашарлык колбаса бармыни?! Татар колбасасы вторичный ич ул.

Хәзер халык сыра да эчми башлаган икән. Менә элек эчәләр иде сыраны. Бер алганда, ярты зарплатасына сыра ала иде ирләр. Полиэтилен капчык белән ташыйлар иде. Кайтып җиткәнче, ул пакет тишелеп чыга торган иде. Шундый затлы иде сырасы, капчыкны тишә торган. Берәрегезнең полиэтилен капчык белән сыра ташыганы бармы? Юктыр. Әйтеп торам ич, хәзер кеше сыра эчми башлаган дип.

Менә элек эчәләр иде ул сыраны, су буе чират иде. Ул чиратта сугыш иде. Кем көчлерәк, шул - көч белән, кем җитезрәк - җитезлек белән, кем җиңелрәк - җиңеллек белән алдыра торган иде. Кайчагында көчлеләр белән җиңелләр берләшә дә җиңел кешене чиратның иң башына атып бәрәләр, теге мескен касса авызына гына килеп төшә дә сатучыга акчасын биреп өлгерә, шундук чираттагылар кирегә чөя. Ә тегене атып бәргән әзмәверләр, чиратны ярып, сыра капчыкларын алырга килеп җитә. Хәйран кызык була торган иде. Полиэтилен пакетларыңны күтәреп кайтып барганда әле тагын бер төркем көтеп тора. Лезвие тотып. Аларга йә акча бирергә, йә сыра салырга кирәк, юкса капчыгыңны тишеп җибәрәләр. Менә шундый рәхәт заманнар бар иде. Хәзер алай түгел, хәзер сыра эчүче юк.

Ну, кибетләрдә саткан булалар инде. Әллә нинди сортлылары бар. Бер Татарстанда гына әллә өч йөздән артык сыра сатучы бар дигән булалар, тик алучы гына юк. Шулай булырга тиештер инде ул. Һи, татарда эчәрлек сыра бармыни?! Татар сырасы вторичный ич ул.

Хәзер халык джинсы да кими икән. Вәт элек кия торганнар иде. И-и-и, модный була торган иде ул джинсылар. Кулга төшерүе генә кыен иде. Ачыктан-ачык сатсалар, су буе чират торырга кирәк. Тора торган идек инде джинсы кияргә яраткач. Тик чират килеп җиткәндә генә йә джинсы бетә, йә төрткәләшә-төрткәләшә хәл бетә... Йә чират торганда караклар килеп кесәне чистартып киткән була... Берәрсе чит илгә чыкса, аңа бөтен акчаны кырып-себереп биреп, джинсы алырга кушып җибәрә торган идек. И ярата идек джинсы кияргә. Хәзер халык алай түгел икән.

Кибетләрдә саткан булалар да ул, әллә нинди сортлылары бар, тик алучы гына юк. Ничәмә-ничә тегүче бар Татарстанда, ничәмә-ничә фабрика, завод... Ә адәм киярлек, чират торып алырлык джинсы тегә белмиләр. Менә берәрегезнең күргәне бармы берәр фирманың джинсысын чират торып алганны. Юк. Элек бар иде. Элек тегә беләләр иде. Һи, татаргамы соң инде адәм киярлек джинсы тегәргә. Татар тегүчесе вторичный бит ул.

Халык хәзер икмәк тә ашамый икән. Элек хәтта авыл картлары да кибеткә икмәк килгәнне көтеп кенә торалар иде. Икмәк машинасы килгәнче үк чиратка басып куялар иде дә капчыклап алалар иде. Авылга китерми торсалар, район үзәгеннән ташыйлар иде. Шәһәр җирендә дә чират була торган иде күмәчкә, аруырагы эләксә, бишәрне-унарны ала торганнар иде. Менә берәрегезнең күргәне бармы хәзер икмәк чиратын? Күргәнегез бармы капчыклап ипи алган берәр кешене? Юк дигәндә, бишәр буханка алучыны? Әйтәм ич, халык икмәк ашамый хәзер.

Һәй, кибетләрдә саткан булалар инде. Әллә нинди сортлылары бар. Алучы гына юк. Чират торып алырлык итеп пешермиләрдер инде. Пешерә белмиләр. Меңнән артык икмәк пешерүче бар Татарстанда, ә чират торып алырлык икмәк юк. Шулайдыр инде. Һии-и, татар һөнәрчесе вторичный бит ул.
Хәзер халык китап укымый икән... Менә элек чират торып китап алалар иде... Өч йөздән артык язучы бар Татарстанда... Һи-и, татарда укырлык китап бармыни?!

Теги: 250
Нравится
Поделиться:
Реклама
Комментарии (0)
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    279
    0
    0
  • 23 май 2018 - 14:59
    Гөлназ АСАЕВА: «Булачак иремне ике әтиемә дә охшатып сайлыйм» Гөлназ АСАЕВА – моңлы тавышлы яшь җырчы. 16 яшеннән бирле ялгызы гына концертлар куя. Сәхнәдә ул тыйнаклыгы һәм бай репертуары белән аерылып тора.
    664
    0
    4
  • 23 май 2018 - 14:47
    Доктор Комаровский: «Картлыгыңда 20 оныгың булганчы, бер бабаең булсачы» Кичә Казанда танылган табиб Олег Комаровский булып китте. Ул ике көн дәвамында семинар уздырды, әти-әниләрне кызыксындырган сорауларга җавап бирде, балалар сәламәтлеге турында сөйләде. Доктор Комаровскийның киңәшләрен “ШК” сатында биреп барырбыз.
    206
    0
    1
  • 23 май 2018 - 14:33
    Нут ашы пешерү ЫСУЛЫ Аның өчен 4 литр суга 400 гр фарш, 1 стакан нут, 3 бәрәңге, 1 кишер, 1 суган, 3 тырнак сарымсак, 1 болгар борычы, 2 аш кашыгы томат пастасы, үсемлек мае, тоз, борыч кирәк.
    102
    0
    0
  • 23 май 2018 - 14:18
    Илфак Шиһаповның кызы Зәринә: «Мин – Сөембикәнең җанатары» Бу көннәрдә Саба районының Сатыш авылындагы фермада булырга туры килде. Шунда, очраклы гына дисәм дә була, бер абзый белән таныштым. Ул Юлбат авылының тарих укытучысы Илдар Сафин булып чыкты. Шул ферманың бер амбарында аның аты тора икән.
    196
    0
    2
  • 23 май 2018 - 13:44
    «Репетицияләргә йөри-йөри бер дә сөйләшми торган балабыз сөйләшә башлады» Хыялга юл. Камал театрының зур залында Баулының нәни артистлары күрсәткән сәхнә күренеше нәкъ менә шулай дип атала. Хыял чынбарлык булсын өчен күпме сабырлык, тырышлык, үҗәтлек кирәк.
    106
    0
    0
  • 23 май 2018 - 13:00
    Өйдә тортлар пешереп, аларны социаль челтәрләр аша саткан декреттагы әниләргә Президент ярдәм итәргә җыена Татарстан Президенты каршындагы Эшмәкәрлек советы республикадагы үзмәшгульлек белән кызыксына башлаган. Бу хакта Татарстанның бизнес-омбудсмены Тимур Ногманов үзенең Инстаграм битендә хәбәр итә.
    139
    0
    0
  • 23 май 2018 - 10:26
    «Тели белсәң – теләк, тели белмәсәң – имгәк» Бергә эшли торган иптәш хатыным: «Ялга чыксам эшләмим, оныкларымны гына сөеп ятам», – ди торган иде.
    302
    0
    0
  • 23 май 2018 - 10:21
    Габделбәр Илдарханов: «Урман сукмакларыннан гел узсаң да, адаштыра да, авырганда дәвалый да» Кызыл Яшьләр авылы бик матур урында, урман янында утыра. Авыл урамында нарат, агач исе... Биредә Лаеш урманчылыгының Питрәч участок урманчылыгы урнашкан.
    95
    0
    1
  • 22 май 2018 - 17:26
    «Һәр гаилә үз законнарын яза» Татарстан Дәүләт Советында узган матбугат конференциясендә парламент башлыгы урынбасары, «Мәрхәмәт» хатын-кыз депутатлар берләшмәсе җитәкчесе Татьяна Ларионова хәбәр иткәнчә, быелдан инвалид балаларны уллыкка алган гаиләләргә 200әр мең сум акча бирелә башлады. Әлеге вакытта бу ярдәмнән сигез гаилә файдаланган.
    206
    0
    0
  • 22 май 2018 - 15:57
    «Татар кызчыгы – 2018» бәйгесе җиңүчесе кем? «Алтыда нинди, алтмышта – шундый», – ди халык. Димәк, тәрбияне дә, белемне дә кечкенәдән бирергә, әдәп-әхлакка, йолаларга, гореф-гадәтләргә, милли моңнарга мәхәббәтне дә сабый чактан сеңдерергә кирәк. Быел гына яңадан оешып, гөрләтеп эшләп киткән Бөтендөнья татар хатын-кызлары «Ак калфак» иҗтимагый оешмасының Казан бүлеге активистлары да нәкъ шул максатны күздә тотып оештырдылар «Татар кызчыгы – 2018» бәйгесен. Беренче тапкыр гына үтсә дә, «коймак» төерле булмады.
    243
    0
    0
  • 22 май 2018 - 14:44
    Даниярга аякка басарга ярдәм итегез! 28 апрель – Мөхетдиновлар өчен авыр көн. Берничә ел элек шул көнне әбиләре вафат булган, 2016 елда Алсу бала тудыру йортына сабыен табарга киткәч, бабайлары бакыйлыкка күчкән.
    267
    0
    1
Реклама
  • 17 май 2018 - 11:28
    Өй салуның ние бар? - 2
  • Хәйрия концертыннан ФОТОРЕПОРТАЖ
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
Соңгы комментарийлар
Интервью
  • 23 май 2018 - 10:54
    Кәгазе яңача булса да, түләве искечә калачак
    Россия халкы 1 июньнән торак-коммуналь хезмәтләр өчен яңа квитанцияләр алачак. Әлеге яңа түләү кәгазьләре искесеннән нәрсә белән аерыла һәм анда төп игътибарны нәрсәгә юнәлтәчәкләр?
    124
    0
    1
  • 23 май 2018 - 16:10
    Кичер, улым! Һәр авылның акылга зәгыйфь яки гарип кешесе була. Кемдер алардан курка, читләшә, кемдер, киресенчә, изге җан дип, хәер сузып китә. Безнең авылда да бар ул. Көн саен авыл урамнары буйлап акрын гына атлап, һәр кеше белән исәнләшеп, тирә-якны барлап йөри.
    279
    0
    0
Ночной режим