Шәһри Казан

Киләчәктә Фәйзуллин йөзүләренең урыны үзгәрүе ихтимал (ФОТОЛАР)

- Өем зур - ялан, - диде Татарстанның халык шагыйре Равил Фәйзуллин, чираттагы йөзүгә чакырганда. - Килегез, һәрберегез сыясыз!

Оештыручы әйткәнчә, әлеге йөзүләрнең 40 еллык тарихы бар. Ул узган гасырның 70нче еллары ахырында, туганнарын, дусларын елга буена гомер бәйрәменә чакырудан башлана. Табигать кочагында бергәләшеп күңел ачалар, су коеналар. Бу хәл икенче елны да кабатлана һәм традициягә әйләнә. Казансу елгасы эчендәге «Маркиз» уравында узган бәйрәмгә берчакны шагыйрь Сибгат Хәким белән язучы Гариф Ахунов та килеп эләгә. Ә бер елны Равил Фәйзуллин Компрессорлар заводы күпереннән Киров дамбасы кичүенә кадәр дүрт сәгать ярым суда була. Аның янәшәсеннән, ул-бу була калса дип, көймә бара. Бәхеткә, коткаручыларның кирәге чыкмый.
Тора-бара, Казансу пычрангач, елганың табигый ярлары тимер-бетон плитәләр белән ныгытылгач, йөзүләрнең урыны үзгәрә. Соңгы өч елда Казаннан 45 чакрым ераклыкта - Яшел Үзән районының Олы Чишмә авылы күле янында тукталыш ясала.

1 августта Фәйзуллин йөзүләрендә 60лап журналист, язучы, җәмәгать эшлеклесе катнашты. Монда Бөтендөнья татар конгрессының VI корылтаена Казахстанның Астана шәһәреннән килгән күренекле рәссам Камил Муллашев та күренде. елганың бер ярыннан икенчесенә кадәр йөзде кунак. «Фәйзуллин йөзүләре» дигән сүзләр язылган фуражкага һәм шагыйрьнең автографлы китабына лаек булды.

Аннары яр буенда учак ягылды. Алмаз Хәмзин гармунын сыздырып җибәргәч, күмәк җыр башланды.
Камил Муллашев иҗат әһелләренең әлеге ярышыннан, тамашасыннан бик канәгать калды. Милли көйләр күңеленә кагылгач, елап та алды, җырлап та җибәрде. Чит илдән килгән милләттәш, күл буенда дүрт сәгать булып, йөзүләрдән бик канәгать төстә, илһамланып кайтып китте.

Реклама

Бу тирәдә дача йортлары күп салыну сәбәпле, киләчәктә Фәйзуллин йөзүләренең урыны үзгәрүе ихтимал. Фуражкадагы язуның да яңаруы мөмкин, чөнки 1943 елда туган шагыйрь «100 яшькәчә йөзик!» дигән сүзләргә өстенлек бирергә җыена.



Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • «Килә ява, килә ява...»: иске спектакльнең яңа премьерасы
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
Соңгы комментарийлар
Интервью
  • 22 февраля 2018 в 15:34
    Фирдүс Тямаев: «Минем җырлар тарихка кереп калды инде» Сәхифәбезнең бүгенге кунагы – татар эстрадасының иң популяр җырчыларының берсе Фирдүс ТЯМАЕВ. Үзенә генә хас харизмы, темпераменты, кызулыгы булган, шул ук вакытта хисчән һәм чын мәгънәсендә халык мәхәббәтен яулаган җырчы белән без аның юбилееннан соң күрештек.
    319
    0
    2
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    450
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    816
    0
    2
  • 24 февраля 2018 в 13:17
    «Алкаш ясыйсыз бит инде...»  Элегрәк булган бу хәл. Әле татарлар эчү белән хәзерге замандагы кебек бик нык мавыкмаган чакларда булган, диләр.
    12
    0
    0