Шәһри Казан

Киләсе тукталыш – «Җиңү паркы»

Казан үзенең архитектура һәйкәлләре, музейлары, заманча төзелгән биналары, бакчалары белән данлыклы. Шәһәрнең бакчалары күптөрле, бер-берсенә охшамаган. Алар тарихыбызны да хәтерләтә, узган вакыйгаларның шаһиты да булып тора. Шундый урыннарның берсе - Казанның Яңа Савин районында урнашкан Җиңү паркы.

50 гектар мәйданны биләгән бик зур мемориаль комплекс узган гасырның иң мөһим вакыйгаларының берсен - Бөек Ватан сугышында җиңүне гәүдәләндергән.
Бу урында җанлану узган гасырның 70нче елларында сизелә башлады. 1418 төп агач үсентесе утыртылды. Әлеге сан очраклы түгел, чөнки канкойгыч сугыш 1418 көн дәвам итә. Агачлар тамыр җибәреп куәт алгач, 1995 елда бер ел эчендә мемориаль комплекс төзелә. Бөек Җиңүнең 50 еллыгын шунда үткәрү планлаштырыла.
Җиңү паркына керү капкасы янында уң якта «Җиңү паркы» дип татар һәм рус телләрендә язылган, ә сул ягында зур стела куелган. Аның биеклеге - 42 м. Шунда ук ике скульптура: бер якта - кулына кылыч тоткан сакчы-сугышчы, икенче якта - кулына баласын күтәргән Ана. Алар арасында калкан - ул Җиңү Орденын гәүдәләндерә. Мемориал чәчәк түтәленнән үсеп чыккан колонналар рәвешендә ясалган. Мәрмәрдә 200ләп Советлар Союзы Героеның исеме язылган. Аларның барысы да Татарстанда туып-үскән. Уртада - Мәңгелек ут.
Җиңү паркында авыр сугыш кораллары, техникасы - барысы да ачык һавадагы музей сыман. Монда сугыш чоры техникасы байтак. Алар арасында танклар, очкычлар, танкларга каршы артиллерия, «Катюша»лар... Боларның барысын да заманча хәрби техника тулыландырып тора.
Паркта аллеялар да хәрби тематикага багышланган. Мәсәлән, хәрби диңгезчеләр аллеясы. Анда сугыш вакытында һәлак булган диңгезчеләргә монумент куелган. Толлар һәм хәрби солдат аналары юлында Солдат Анасы һәйкәле тора. Анда һәрвакыт чәчәкләр салынган була.
Җиңү паркы килгән кунакларга төрле ял итү чаралары да тәкъдим итә. Аккумулятор белән эшли торган локомотив, бертөркем балаларны вагоннарга утыртып, парк буйлап йөртә. Балалар шул рәвеш­ле парктагы хәрби техниканы өйрәнә. Җәй көннәрендә кечкенә балалар пониларга да атланып йөриләр.
Җиңү паркы тәүлек буе эшли, керү ирекле, түләүсез. Парк эчендәрәк күл бар. Көннәр җылына башлагач, анда прокатка катамаран алырга да була. Җәй көне монда аеруча матур: кунакларның кайберләре күлдәге үрдәкләргә ипи ашата, яр буенда кармак салып, балыкчылар утыра. Тир эшләп тора, балалар батутларда сикерә. Һава тутырылган резин таучыклардан шуучылар да өзелеп тормый. Тренажерлар белән җиһазландырылган балалар мәйданчыклары да була. Өйләреннән самокат, роликлы тимераяклар алып килеп шуып йөрүчеләр дә җитәрлек монда. Утырып ял итим дисәң, торымнан-торымга куелган заманча ясалган эскәмияләр дә җитәрлек.
Җиңү паркының иң матур чагы 9 Май бәйрәмнәрендә була. Бөтен җирдә кызыл әләмнәр җилферди, орден-медальләр чыңлатып, ветераннар узып китә. Монда килгән һәркем әүвәл Мәңгелек ут янына барып чәчәкләр сала. Суворов хәрби училищесыннан, мәктәпләрдән килгән балалар ветераннарны хөрмәтли, аларга чәчәкләр бүләк итәләр, концертлар куялар, җырлыйлар, бииләр, шигырьләр сөйлиләр. Күп кенә хәрби җырлар нәкъ шушы көннәрдә яңгырый.
«Күкләребез һәрчак аяз булсын, балалар ятимлек күрмәсен, барчабызга да тынычлыкта яшәргә насыйп итсен!» - дип тели ветераннар.
...Кызганыч, күпләр матурлыкның кадерен белми. Күлгә аткан пластик шешәләрне, кәгазьләрне дулкын яр буена кагып чыгара. Югыйсә, шунда ук чүп-чар савытлары да җитәрлек бит. Җиңү паркында татарча язу керү капкасы янында гына. Барлык техника исемнәре, аллея атамалары, төрле мәйданчыклар, күрсәтү баганаларындагы язулар бары тик рус телендә генә. Ни өчен икетеллелекне тәэмин итмиләр икән соң монда да?

Реклама

Нравится
Поделиться:
Реклама
Комментарии (0)
  • 20 май 2018 - 10:53
    Төпсез чиләкләр Шәһәрдә яшәгән бала авылга кунакка кайта икән, ул төп йорттагы эреле-ваклы проблемаларны хәл итәргә, анысын-монысын төзәтергә, кыскасы, ул монда нәрсәдер эшләргә тиеш. Шәһәрдә дә кеше кул кушырып утырмый. Эт булып арырга мөмкин. Арыгансың икән – авылга кайтма. Ял итеп, йокыңны туйдырып кайт, чөнки монда синең кайларда нишләп йөрүең беркемгә дә кирәк түгел. Йоклап ята алмыйсың. Язу-сызу белән өстәл башында утыру да – соңгы чиктә генә.
    186
    0
    2
  • 20 май 2018 - 10:43
    «Рәхмәт сиңа, «алтын куллы» әтием!» Мин сезне үземнең алтын куллы әтием – Сәләхов Рамил Җәмигънур улы белән таныштырмакчы булам.
    109
    0
    0
  • 20 май 2018 - 10:10
    60
    0
    0
  • 20 май 2018 - 09:38
    Бабайлар һәм әбиләр, бакчага чыгыгыз! Казанның Авиатөзелеш районындагы «Крылья Советов» паркында 26 майда 12.00-18.00 сәгатьләрдә «Тормыш сөючеләр көне» бәйрәме була.
    64
    0
    0
  • 19 май 2018 - 13:00
    Илсөя Бәдретдинова: «Ул мине хәзер алдына алып сөя» Соңгы арада Илсөя Бәдретдинованы Инстаграм аккаунтына романтик рух керде: ниндидер ир-ат белән төшкән фотолар, һәрчак чәчәк гөлләмәләре... Илсөябез үзе дә чәчәк кебек: көннән-көн матурлана.
    2320
    0
    11
  • 19 май 2018 - 12:40
    Афиша 21-27 май
    174
    0
    0
  • 19 май 2018 - 12:35
    115
    0
    0
  • 19 май 2018 - 12:20
    Нәрсәгә тотынса – шуны булдыра Гаиләне учак белән тиңлибез, чөнки учак янына җылынырга җыелган кебек, гаиләдәге һәр кеше үз гаиләсенә сыена: шатлыгын бүлешә, кайгысын уртаклаша. Гаилә никадәр нык булса, аннан килгән җылылык та шулкадәр көчлерәк була. Гаиләнең терәге – ир-ат, әти кеше. Ә ана кеше үзенең бөтен булган күңел байлыгын, матурлыгын үз балаларына бирә.
    262
    0
    5
  • 19 май 2018 - 11:47
    Камыр эчендә гөмбә шашлыгы пешерү ЫСУЛЫ 250 гр шампиньон, 200 гр сыр, 250 гр чүпрәсез катлы камыр (кибеттә сатыла торган), 1 йомырка, тоз, борыч, үсемлек мае
    157
    0
    0
  • 19 май 2018 - 10:48
    Җилдерәчәкбез! Татарстанда барлыгы 3076 торак пункт исәпләнә, шуларның 559ында асфальт юллар әле һаман да юк. Быел 28 торак пункт арасында яңа юл салыначак. Аның гомуми озынлыгы – 69,4 км.
    191
    0
    0
  • 19 май 2018 - 10:20
    Киләчәк – роботлар кулында? Яки Казан мәгълүмати технологияләр һәм элемтә техникумы студентлары ничек имтихан тапшыра Республика WorldSkills эшче һөнәрләр чемпионатында актив катнаша башлаганнан соң, техникум, көллият укучыларына таләпләр тагын да артты. Ә хәзер студентлар чыгарылыш дәүләт имтиханнарын да WorldSkills стандартлары буенча күрсәтмә имтиханы буларак тапшыра башлаячак. Казан мәгълүмати технологияләр һәм элемтә техникумына имтихан тәртибен өйрәнү өчен Кытай, Иран, Һиндстан вәкилләре дә килгән.
    105
    0
    0
  • 18 май 2018 - 20:01
    Быелгы «Бәллүр каләм» тапшыру тантанасында «Шәһри Казан»ның ике журналисты бүләкләнде Редакциябезнең талантлы һәм тәҗрибәле журналисты Дилбәр Гарифуллина күпьеллык фидакарь хезмәте өчен Дәүләт Советы рәисе Фәрит Мөхәммәтшинның рәхмәт хаты белән бүләкләнде.
    183
    0
    2
Реклама
  • 17 май 2018 - 11:28
    Өй салуның ние бар? - 2
  • «Үлемсез полк» маршында 165 меңнән артык кеше катнашты
  • Казанның Меньеллык мәйданында узган Җиңү парадыннан ФОТОРЕПОРТАЖ
  • Суга сикерү буенча дөнья сериясе. Казан. 2018-FINA
  • 1 май митингыннан ФОТОРЕПОРТАЖ
  • Тукайга багышланган шигырь бәйрәменнән ФОТОРЕПОРТАЖ
  • Тукай премиясен тапшыру тантанасыннан ФОТОРЕПОРТАЖ
  • Дәүләт Советы сессиясеннән ФОТОРЕПОРТАЖ 25.04.2018
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
Соңгы комментарийлар
Интервью
  • 15 апрель 2018 - 10:48
    Вакулюклар хикмәте Элегрәк коллекция туплаучылар күп иде – сирәк очрый торган тиен акчалар, значоклар, маркалар, открыткалар, конфет тышларын җыючылар дисеңме. Заманалар үзгәреп, «бик алдынгы карашлы» булырга теләп, күп кенә җиһазлар, палас-чигешләр, китап-картиналар чүплеккә ташланды. Кая инде ул коллекция туплау – халык мал җыю, кесә калынайту белән мәшгуль хәзер. Шырпы кабындагы марка белән значок җыеп утырырга тиле ди ул сиңа.
    443
    0
    1
  • 15 апрель 2018 - 09:34
    Шаляпинның «антрепренеры» Хәйрулла  Россиянең һәм Татарстанның халык артисты Айрат Арслановның бөек җырчы Федор Шаляпин турында язган язмасын тәкъдим итәбез.
    355
    0
    0
Ночной режим