Шәһри Казан

Ни өчен хатын-кызлар бала табарга да ашкынмый?

Өлкәннәр белән сөйләшкәндә, заманның ничек үзгәрүе турында еш ишетергә туры килә. Хәзерге заман кешесенең тәрбиясезлеге, культурасызлыгы турында да еш сөйләшәбез. Алар эш тә сөйми, кешеләргә игелек кылу, яхшылык эшләү, милли гореф-гадәтләребезне, телебезне сак­лауга да исләре китми.

Реклама

Бу җитешсезлекләр, минемчә, гаиләдә тәрбия җитмәүдән килә. Бүгенге хатын-кызлар Ходай кушкан вазифаларын үтәргә, ягъни бала табарга да ашкынып тормыйлар. Ир-атны Ходай гаилә башлыгы итеп яраткан. Шуңа да ирләр кәләшне сайлап ала һәм аңа үзенең фамилиясен бирә. Бу тик бер максат белән: күбрәк балалар үстереп, нәселне ныгытыр өчен эшләнә. Чынбарлыкта бу шулаймы соң? Без мәгълүмат чараларыннан ишетеп-күреп беләбез, гаиләләр таркала. Россия буенча ул теркәлгән никахларның 70 процентын тәшкил итә, диләр. Сөендерә торган түгел, көендерә торган сан.

Җитмәсә, кайбер «акыллы баш»лар «гражданский брак» дигән нәрсә уйлап таптылар. Бу бит адәм мәсхәрәсе, өлкәннәрнең башына сыймый торган гамәл. Бер җирдә дә теркәлмичә яшәп яталар. Бер караганда, «брак» дип аталган әйбер ничек юньле булсын инде ул. Күп кенә егетләр өйләнергә кыз таба алмый, булганнарын ошатмаган була. Бу бит искитмәле хәл.

Мин үзебезнең заман яшьләренең тормышка карашларын бик яхшы хәтерлим. Безнең егет-кызлар киләчәккә зур планнар, хыял-омтылышлар белән яши, гаилә корып, балалар тәрбияләп үстерергә хыялланалар иде. Сугыш вакытында да һәр гаиләдә бишәр-алтышар бала үсте.

Кайберләрендә җиде-сигез иде. Безнең зур гаиләбездә мин - тугызынчы, сеңлем Гөлүсәр унынчы бала булып туган. Хәзер мондый зур гаиләләр бик аз. Булганнары да тәрбиягә алган балалар хисабына гына. Бүген бит кызлар да булачак кияү­ләренең яңа фатиры, чит ил машинасы һәм зур эш хакы булуын телиләр. Шуның өстенә әле, дилбегәне үз кулларына аласылары да килә. Нигә соң әле алар халкыбыз­ның «Ир - баш, хатын - муен» дигән акыллы әйтемен исләреннән чыгара? Җитмәсә, күбесе ашарга пешерә, юа-җыя да белми. Бу кимчелекләрнең күбесе гаиләдә тәрбия җитмәүдән дип уйлыйм. Моның сәбәбе гаиләләрдә балаларның аз булуы һәм аларны «өф-өф» итеп иркәләп, эшкә өйрәтмичә үстерүдән килә. Аннары әти-­әниләрнең үзләрен дә бик тәрбияле дип әйтеп булмый бүген. Аракыга, наркотикларга хирыс яшьләрнең булуы үтә дә аяныч. Алардан илебезгә нинди файда?

«Бәхет - гаиләнең зурлыгында» дигән проектны юкка гына башламадылар инде.

Илгизәр Гали, Тәтеш.

Нравится
Поделиться:
Реклама
Комментарии (0)
  • 11 декабря 2017 в 10:03
    Эльмира Закирова: «Язучы булу рәхәт икән!» Бүгенге заманга китапны аз укый торган тамгасы тагылса да, укучы яңа китапны да, яңа авторны да хәзер күреп ала, игътибарыннан читтә калдырмый. Эльмира Закированың да «Иясез шатлык» дигән китабы табадан төшеп, кибет киштәләренә куелырга өлгермәде, укучы аны үз итте.
    19
    0
    0
Реклама
  • 23 ноября 2017 в 23:11
    Туган телебезне саклыйк!
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • Тибет медицинасы табиблары «Шәһри Казан»га кунакка килде
  • 11 декабря 2017 в 08:44
    Татарстанда томан һәм буран көтелә
    Бүген Татарстанда алмашынучан болытлы һава, урыны белән буран, томан һәм бозлавык көтелә, көньяк-көнбатыштан талгын җил исә, дип хәбәр итә синоптиклар.
    47
    0
    0
  • 4 декабря 2017 в 14:38
    «Карап торган бердәнбер балаңны югалт әле син...» Ишелепләр уңды быел алма. Алмагачның ботаклары кояшта ахак кебек кызарып утыручы сусыл, тәмле алмалар авырлыгыннан җиргә кадәр иелгән. «Мине өз дә мине өз!» дигәндәй кызыктырып утырган алмаларга бер яратып, бер җаны сыкрап күз сала Илзирә. Бакчаларда кызарышып алмалар өлгерүгә, инде төзәлә башлаган йөрәк ярасыннан кабат кан саркый башлый.
    505
    0
    3
  • 4 декабря 2017 в 13:09
    Хәния Фәрхи исемен халык мәңгеләштерүне сорый Казандагы берәр урамга Татарстанның һәм Башкортстанның халык артисты Хәния Фәрхи исеме бирелергә мөмкин. Җырчының иҗатын яратучылар, шуны сорап, интернетта петиция ачкан. Якын арада тамашачылар башкала мэриясенә гариза белән мөрәҗәгать итәргә җыена.
    458
    1
    4
  • 4 декабря 2017 в 12:28
    «Үзгәреш җиле» катнашучылары: «Тамашачы зәвыгын без тәрбияләргә тиеш» Быел «Үзгәреш җиле» татар җыры фестивале халык җырлары, элеккеге җырлар белән генә чикләнмәде. Аңа заманча җырлар, яңа башкаручылар да кушылды. Бер сүз белән әйткәндә, бу инде бөтенләй башка «Үзгәреш җиле» иде.
    196
    0
    0