Шәһри Казан

Песиләрнең дә үз кафесы бар

«Котокафе»лар турында беренче ишетүем. Баксаң, Уфада, Казанда песиләр кафесына йөрү бик популяр икән. Карап торышка гади чәйханә. Аермасы - даими яшәүчеләре - песиләрендә.

Мондый кафеларның тарихы Япониягә барып тоташа. Кояш чыгышы илендә элек тә, хәзер дә андый кафелар урам саен икән. Тик анда башкачарак: кафега килеп, песиләрне күзәтеп утырырга гына була. Ә бездә исә яратасы килгән песине кулыңа аласың, иркәлисең, аның белән уйныйсың, бик ошаса, өеңә дә алып китә аласың.

Уфадагы кафе «Котейная» дип атала. Песиләргә битараф булмаган уфалылар әлеге урынны яхшы белә. Кафе бинасы мәчеләр өчен махсус җиһазландырылган. Баскычлар, киштәләр, тырнак чарлагычлар, кечкенә йортлар һ.б. бар биредә. Иң мөһиме - дүрт аяклы дусларыбызга ямансу булмасын. Песиләргә карап, барлык мәшәкатьләреңне онытырга, уңай энергия тупларга була, дип саный әлеге бинаның хуҗасы Евгений.

- Тәүге тапкыр мондый кафеда Таиландта булдык. Сәяхәтнең онытылмас мизгеле буларак һаман да хәтердә саклана. Бары тик токымлы песиләр иде анда. Гомумән, Азия илләрендә песи культы аеруча киң таралган. Ул вакытта бездә Санкт-Петербургта гына песиләр кафесы бар иде. Үзем - Мәскәүдән, хатыным - Уфадан. Әлбәттә, Мәскәү шартларында теләкне тормышка ашыру бик кыйммәт булыр иде, шунлык­тан Уфага тукталдык. Без планнар корып йөргәндә, андый кафены Казанда да ачтылар. Казан егетләре безгә үзләренең кыйммәтле киңәшләрен дә бирделәр, - ди ул.

Песиләр кафесына кемнәр йөри, дисезме? Монда бизнесменнарны, эше компьютер белән бәйле булганнарны еш очратасың. Ноутбуклары белән килеп утыралар да песиләр белән бергәләп эшлиләр. Өйгә песи алырга теләмәгән әти-әни балалары белән килә. Алар - даими клиентлар. Биредә балалар туган көннәрен уздырырга ярата. Мәҗлес вакытында кафе башка кунаклар өчен вакытлыча ябылып та тора.

Бу кафега, әлбәттә, песине үлеп яратучылар гына килә. Ә бит күпләрнең аларны өйдә тотарга мөмкинлеге юк. Хәтта өйдә песиләре булганнар да килә икән. Өйдә берне кочаклап утырганчы, берьюлы 20 песи компаниясендә булу башка бит!

Реклама

- Өемдә ике песием бар. Аларны бик яратам! Тик шулай да кафе атмосферасы башкача. Песиләрне күзәтәсең, холыкларын өйрәнәсең. Бу проект керем өчен эшләнмәгән. Мондый социаль проектта әлеге максатның булуы бөтенләй дә мөмкин түгел. Песи урамда түгел, ә йортта яшәргә тиеш. Ә йортсыз песиләрне без үзебезгә алабыз. Монда аларны беркем дә рәнҗетми, аларны ашаталар, иркәлиләр, атна саен ветеринар тикшеренүе үткәрәләр. Өстәвенә, аларның хуҗалы булу мөмкинлеге бар, - ди Евгений.

Кураторлар белән җитди килешү төзеп, песине өйгә алырга да була. Тик иң беренче чиратта алар җан иясенең ышанычлы кулларга эләгәсенә тулысынча ышанырга тиеш. Соңыннан песинең яшәеше турында фотоотчет җибәреп, кафе җитәкчеләре белән бәйләнештә булырга кирәк. Бу күпмедер вакыт узганнан соң песидән котылу чарасы күрмәс өчен эшләнә. Ярты ел эчендә 30 песи үз хуҗасын табып өлгергән.

«Песи терапиясе» стрессларга каршы торырга яхшы ярдәм итә. Песиләр яман чирләрдән саклый дигән гыйльми тикшеренүләрнең нәтиҗәсе дә бар. Өйдә песи тотканнар, песи кафесына еш йөргәннәр бу хакта яхшы белә.

Фото: www.krestianin.ru

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    371
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    750
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    380
    2
    2