Шәһри Казан

Сездә нинди хәлләр бар: Гүзәл Идрисова, Алсу Фазлыева, Чулпан Йосыпова, Зөһрә Шәрифуллина, Сөмбел Билалова җәйне ничек уздыра?

Гүзәл Идрисова: - Ике атна балалар белән Чаллыда әниләр янында торып килдек. Бу вакытларда Илназ (җырчы Илназ Баһ. - Авт.) гастрольләрдә булды. Балаларга зоопарк күрсәтергә вәгъдә биргән идек, шуннан килешли Ижауга да кереп чыктык. Чыннан да, аның зоопаркы искиткеч матур. Уртанчы улыбызны Арчада Илназның әнисендә калдырып килдек. Сабантуйларда, төрле мәҗлесләрдә...

Гүзәл Идрисова:



- Ике атна балалар белән Чаллыда әниләр янында торып килдек. Бу вакытларда Илназ (җырчы Илназ Баһ. - Авт.) гастрольләрдә булды. Балаларга зоопарк күрсәтергә вәгъдә биргән идек, шуннан килешли Ижауга да кереп чыктык. Чыннан да, аның зоопаркы искиткеч матур. Уртанчы улыбызны Арчада Илназның әнисендә калдырып килдек. Сабантуйларда, төрле мәҗлесләрдә чыгышлар ясыйбыз. Якын-тирә араларга үзем дә баргалыйм. Моннан тыш, шушы җәй айларында яңа җыр яздырып, киләчәктә аңа клип төшү планнары да бар.

Алсу Фазлыева:



- Җәебез ялдан башланды. Төркиягә барып ял итеп кайттык. Анда китәр алдыннан «Яратам сүзсез генә» дигән җырга клип төшердек. Эчтәлеге бик кызык, шуңа күрә хатын-кызларга да, ир-атларга да ошар дип өметләнәбез. Бу клипны караган һәр кеше үзен танып алыр дип уйлыйбыз. Күптән түгел генә ике җыр яздырдык. Шуның берсенә клип төшерергә дип планлаштырабыз, әмма әлегә кайсысы икәнен сайламадык. Бу мәсьәләдә халык фикеренә дә колак салырга телибез. Иң яраткан эшем - җиләк җыю, шуңа күрә җиләк пешкәнен көтәм. Көннәр болай матур торса, өлгерер инде. Әлегә кызармаган. Без сезонга ярты ел алдан әзерләнәбез. Костюмнар, матур киемнәр тектерәбез. Шулай ук дуслар белән ял итәргә дә яратабыз. Учакта пылау, уха, шулпа пешерер өчен казан сатып алган идек. Азат аларны бик тәмле пешерә. Мин аңа, шаяртып: «Син җырламасаң, аш-су остасы булыр идең», - дим. Менә шулай ялны да, эшне дә аралаштырып алып барабыз.

Чулпан Йосыпова:

Реклама



- 12 июльдә булган туган көнемне эшләп үткәрдем. Ул көнне төнге икедә Әлмәткә юлга кузгалган идек инде. Шунда Нефть Саммитында катнаштым. Аңа кадәр Казахстанда зур гастрольләрдә булган идек. Шулай да туган көнне соңлап булса да дуслар белән җыелышып үткәрербез дип уйлыйм.

Зөһрә Шәрифуллина, Татарстанның халык артисты:



- Шушы көннәрдә генә балалар белән бергәләп Төркиянең Алания шәһәренә барып кайттык. Улымның өч яшьлек һәм тугыз айлык кызлары да барды. Олысыннан бигрәк кечкенәсе рәхәтләнеп су коенды. Әлеге вакытта да Азат белән Чаллыда балалар янында кунакта идек. Себер, Рязань якларындагы Сабан туйларында чыгыш ясадык. Алла боерса, сентябрьдә Чаллыда, Уфада концертлар куярбыз дип торабыз.

Сөмбел Билалова:



- 13 июльдә туган көнемне билгеләп уздык. Шул уңайдан үземә дә, тамашачыларга да бүләк әзерләдем: яңа җырымны тәкъдим иттем. «Син мине беркемгә дә бирмә» дип аталган җырның сүзләрен һәм музыкасын Гүзәлия язды. Ә туган көнемне Корстонда Жу-Жу барда TatarPartyда билгеләп уздык.

Теги: 250
Нравится
Поделиться:
Реклама
Комментарии (0)
  • 14 декабря 2017 в 16:56
    Эш кешесе Хатын пыр тузына: – Син таң белән эшкә дип чыгып китәсең дә, кич җиткәч арып-талып кайтып керәсең. Юньләп ашап та тормыйча, караватка барып авасың. Иртән торасың да тагын чыгып китәсең... Кайда йөрисең син, ә? – Эштә, әлбәттә.
    36
    0
    0
Реклама
  • 14 декабря 2017 в 12:30
    пресс конференция Владимира Путина
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ