Шәһри Казан

Аэропорттан поездлар да «очачак»

Казан халыкара аэропорты белән «Казан-1» тимер юл вокзалы арасында интермодаль тимер юл өлешен төзү эшләре башланды.

26,5 километр озынлыктагы әлеге линия тимер юлларның өстеннән узачак. Анда сәгатенә 160 километр тизлек алырга сәләтле «Ласточка» (Desiro PUS) электр поездлары хәрәкәтләнәчәк. Проект документлары дәүләт экспертизасын уңышлы үтте. Усад-Столбище тимер юлы өстеннән узачак линия төзелеше өчен әзерлек чараларына керешелде. Биредә вакытлы корылмалар урнаштырыла, инженерлык коммуникацияләре һәм челтәрләре күчерелә. Тихорецкая урамы белән киселештәге тимер юл өстендә башкарылачак эшләргә дә план-документлар хәстәрләнә.
Аэропорт белән тимер юл вокзалы арасында төзеләчәк тимер юлның бер юнәлеше 500 миллион сумга төшәчәк. Юл капма-каршы ике юнәлештән торачак. Проект «РЖДстрой» ачык акционерлык җәмгыяте тарафыннан гамәлгә ашырыла.
«РЖД» ачык акционерлык җәмгыятенең тимер юлларга реконструкция үткәрү һәм тимер юл транспорты корылмалары төзү буенча дирекциясе интермодаль юл төзелешеннән тыш, Казан тимер юл вокзалларын да яңарта. Аэропортта электр поезды пассажирлары өчен терминал сафка басачак. «Компрессорлар заводы» платформасы яңартыла, аның янәшәсендә тимер юл астыннан җәяүлеләр өчен кичү төзелә.
Аэропорт белән «Казан-1» тимер юл вокзалын тоташтырачак интермодаль юл 2013 елдагы Универсиадага төзелеп бетәргә тиеш. «Ласточка»лар Казанга 20 минут эчендә «очып» килеп җитәчәк.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    726
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    571
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    422
    0
    0
Ночной режим