Шәһри Казан

Быел кышка баеп керәбез

Урамда көз! Ләкин пыскып кына яуган яңгыр, җыелган күлләвекләр, салкын җилнең исеп куюы да ышандырмый әле салкын көзнең җиткәненә. Саргаерга ашыкмаган яфраклар, кояшның саран гына нурларын сирпеп алуы әле кышка ерак дигәндәй кисәтеп тора. Әбиләр чуагы да рәтләп булмады бит әле! Бары ашлык тулы амбарлар, бушап калган кырлар гына көз...

Шөкер, быел авыл хуҗалыгы тармагында зарланырлык түгел! Уңыш мулдан: Татарстан буенча 5 тоннага якын җыеп алынган икмәк, 2 миллион тоннага якын җыелыр дип көтелгән шикәр чөгендере дисеңме? Иренмәгән кешегә печән дә быел билдән иде, бәрәңге дә җитәрлек. ТР авыл хуҗалыгы һәм азык-төлек министры Марат Әхмәтов журналистлар белән очрашып, елга нәтиҗәләр ясады. Икмәк дигәннән, Татарстанның читкә 1 тоннага якын икмәк чыгару мөмкинлеге бар, дип саный министр. Тик, кызганыч, бөртекле культураны экспортка чыгару өчен су юлы буйлап 1 тонна икмәкне илтү генә дә 2,5 мең сумга төшә. Ә бит бер тонна икмәкнең үз бәясе дә 4,3 мең сум. Кыскасы, республикага моннан файда калмый. Ә менә бәрәңге үзеңә дә, күршеңә дә җитәрлек. Министр «икенче икмәк»не республикадан читтәге төбәкләргә дә чыгарырга планлаштыра.
Конференциядә тагын бер мөһим проблема яңгырады. Ул да булса, Казан янындагы җирләрнең ялган милекчеләр карамагында булуы, алар авыл хуҗалыгы белән шөгыльләнергә уйламый да, җир аларга башка максатларга кирәк. Ялган милекчеләр үзләренең зур участоклары өчен бик аз салым түли. М.Әхмәтов, бу вазгыятьтән чыгу юлы буларак, алар өчен зур күләмдә салым кертергә тәкъдим итте. «Без мондый җирләрне кире кайтару методикасын эшләргә тырыштык, әмма әлегә бернигә дә ирешә алмадык. РФ Хөкүмәте карарын көтәбез, бу авыл хуҗалыгы өчен билгеләнгән һәм 3 ел дәвамында кулланылмаган җирләрне суд аша алганда нигез булачак», - дип белдерде ул журналистларга.
Быел Татарстанда 155 миллион сумлык продукция җитештереләчәк. Авыл хуҗалыгы тармагының үсеше турында ТР Президенты Рөстәм Миңнеханов катнашындагы киңәшмәдә дә искәртеп уздылар. Бүген терлекләр өчен ел ярымлык азык запасы әзерләнгән. Көзнең беренче ае яңгырлы булганга, бүген дә берничә йөз гектар кырдан уңыш җыеп алынмаган. «Кукуруз, шикәр чөгендерен җыеп алырга, туфракны эшкәртергә кирәк. Икмәкне басуда калдыру намуссызлык», - диде М.Әхмәтов. Ә бүген кырларның 600 мең гектар мәйданына киләчәк уңышның орлыклары салынган. Уңайлы шартлар булып мул уңышны түкми-чәчми җыеп алырга насыйп булсын.

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1160
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    552
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    408
    0
    0
Ночной режим