Шәһри Казан

Чамалап эшләтегез: 1 июльдән балигъ булмаган балалар өчен көнлек эш сәгате озынлыгы билгеләнде

Яңа федераль закон нигезендә, 14-15 яшьлек үсмерләр көненә бары 4 кенә сәгать эшләргә тиеш (элек 5 сәгать рөхсәт ителә иде), 15-16 яшьлекләргә - 5 сәгать, 16-17 яшьлекләргә 7 сәгать эшләргә рөхсәт ителә. Моны дәүләт хезмәт күзәтчелеге тикшереп тора. Закон бозу төренә карап, җитәкчегә 2 мең сумнан 40 мең сумга кадәр штраф яный. Министрлар кабинетында узган матбугат конференциясендә Татарстанның хезмәт, халыкны эш белән тәэмин итү һәм социаль яклау министры Эльмира Зарипова балигъ булмаган үсмерләрне эшкә урнаштыру өлкәсендәге яңалыклар, тәртипләр белән таныштырды.

Реклама


- 2014-2020 елларга исәпләнгән дәүләт программасы нигезендә, социаль яклауга мохтаҗ, имин булмаган гаиләдәгеләрне, шул исәптән балигъ булмаган үсмерләрне эшкә урнаштыру күздә тотыла. Аеруча җәй көне, каникул вакытларында, укудан тыш буш вакытта укучыларны эшле итүгә зур игътибар бирәбез. Быел 20 500 балигъ булмаган үсмерне эшкә урнаштыру бурычы куелган. 2017 елның җиде аена нәтиҗәләр буенча, 12 442 кеше инде эш урынлы булды. Август аенда бу план тулысынча үтәлер дип уйлыйбыз. Былтыр планны арттырып үти алдык. Эшкә урнаштырган яшьләрнең өчтән бере - имин булмаган, күп балалы, авыр тормышта яшәүче, тулы булмаган гаиләдәгеләр, - диде министр Эльмира Зарипова.

Бу өлкәдә Чаллы, Түбән Кама, Азнакай, Саба, Лаеш, Алабуга районнары аеруча актив эшли. Яшьләрнең күбесе ишегалдын төзекләндерү, яшелләндерү, авыл хуҗалыгы өлкәсендә мәшгуль. Быел, шөкер, балигъ булмаганнар арасында эш урынында имгәнү очраклары күзәтелмәгән.

Җәйге вакытта ярыйсы гына акча эшләргә була. Әйтик, Яшел Үзәннең Татар Танае авылында мәктәп участогында бакчада эшләгән, яшелчәләр үстергән өчен, укучыларга аена 7 500 сум хезмәт хакы түләнә, ә менә Лаешта җаваплылыгы чикләнгән ширкәттә төзекләндерү эшләрендә катнашканнарга аена 15 560 сумга кадәр түлиләр. Кыскасы, балигъ булмаганнарның уртача хезмәт хакы 8 800 сум тирәсе чыга.

14 яшьлекләрне эшкә алганда, нәрсәгә игътибар итәргә?

14 яшьтән эшкә урнашканда, аерым кагыйдәләр исәпкә алына. Үсмерләр сәламәтлеккә, укуга зыян китерми торган җиңел эшләрне генә башкарырга тиеш. Авыр физик хезмәт тыела. Әйтик, 17 яшькә кадәр кызларга - 2 килодан, егетләргә 3 килодан артык әйбер күтәрергә туры килгән эшләр ярамый. Шулай ук балигъ булмаганнарны командировкаларга җибәрү, төнге сәгатьләрдә: 22.00дән алып иртәнге 6.00гә кадәр эшләтү дә тыела. Көндәлек эш сәгатьләре дә закон нигезендә билгеләнергә тиеш. Эшкә алган җитәкче хезмәткәр белән вакытлыча (срочный) килешү төзи, 14 яшьлек үсмер бу килешүне үзе имзаларга тиеш. Эш бирүче инструктаж үткәрә, янгын куркынычсызлыгы, хезмәтне саклау турындагы кагыйдәләр, хезмәт хакы, эш тәртибе белән таныштыра. Эшкә кабул итү турында приказ чыгара. Россия Хезмәт кодексының 70нче маддәсе, 4нче бүлеге нигезендә, балигъ булмаганнарга карата сынау срогы кулланылмый, медицина тикшерүен узу да эш бирүче хисабыннан түләнә.

Балигъ булмаганнарга, эшкә урнашканда, нинди документлар кирәк?
Эшкә урнашканда, паспорт яки туу турында таныклык, СНИЛС (шәхси лицевой счетның иминият номеры), аттестат яки мәктәптә укыганлыкка белешмә, сәламәтлек турында медицина белешмәсе кирәк. 14 яшьлекләрне эшкә алганда, төп документларның берсе - ата-анасының яки опекунының язмача рөхсәте дә таләп ителә.

Теги: 250
Нравится
Поделиться:
Реклама
Комментарии (0)
Реклама
  • 16 января 2018 в 18:39
    Илфак Шиһапов истәлегенә
  • Дәүләт Советы сессиясеннән ФОТОРЕПОРТАЖ 20.02.2018
  • Казанның Аккош күлендә Май чабу бәйрәмен үткәрделәр (ФОТОРЕПОРТАЖ)
  • Россия чаңгысы-2018. Юдино бистәсеннән фоторепортаж
  • Фәнис Ярулинның тууына 80 ел тулды
  • 2018 ел кышы рекорд куйды (5 февраль)
  • Ай тотылган төндә 31.01.2018
  • "Татмедиа" Республика матбугат һәм гаммәви коммуникацияләр агентлыгының киңәйтелгән утырышыннан ФОТОРЕПОРТАЖ
  • «Татарстан гүзәле» бәйгесеннән ФОТОРЕПОРТАЖ
  • Казанны кар басты
  • Минтимер Шәймиевның шәхси фотографы Михаил Козловскийны соңгы юлга озатудан ФОТОРЕПОРТАЖ
Соңгы комментарийлар
Интервью
  • 18 февраля 2018 в 09:00
    Ләйсән Фәйзуллина: «Мин – ирекле шәхес» Галиәсгар Камал театрында барган «Миркәй белән Айсылу», «Җилкәнсезләр», «Мәхәббәт FM», «Көтәм сине» спектакльләре аша таныш булган яшь актриса Ләйсән Фәйзуллина үзенчәлекле рольләр белән генә түгел, кызыклы, тирән шәхес буларак та үзенә җәлеп итә. Бүген аның һөнәренә, тормышка карата фәлсәфи уйлары, киләчәккә омтылышлары турында сорашырга, Ләйсәнне шәхес буларак ачарга тырыштык.
    336
    0
    1
  • 14 февраля 2018 в 15:00
    Яучы Наилә Җиһаншина: «50 яшькә җиткән ирләр бала табар яшьтәге хатын-кыз эзләп килә» Гомерлек яр табу замана белән тәңгәл килмәстәй катлаулы мәсьәләгә әйләнеп бара кебек, әмма моннан котылуның берәр чарасы булырга тиештер бит. Россия Мөселман хатын-кызлар берлеге рәисе, Дәүләт Думасының гаилә, хатын-кызлар һәм балалар эшләре буенча комитеты эксперт советы әгъзасы яучы Наилә Җиһаншина белән шул турыда әңгәмә кордык.
    706
    0
    2
  • 8 февраля 2018 в 12:32
    Марсель Вәгыйзов: «Шундый бер вакыт килеп җитә – дөрес яшәмәгәнеңне аңлыйсың» Татарстанның атказанган артисты Марсель Вәгыйзов белән күзгә-күз карап аралашуыбыз беренче тапкыр иде. Сөйләшер өчен җиңел, рәхәт кеше, шул ук вакытта үз-үзенә шактый ук таләпчән икәнлеген белдем. Татар җыр сәнгатендә аның үз юлы бар. Ашыкмый, каударланмый, сайлаган юлыннан тыныч, әмма ныклы адымнар белән баручы җырчы дияр идем мин аның турында. Күңеле тартмаганны җырламас, ошатканын җиренә җиткереп башкарыр.
    354
    2
    2