Шәһри Казан

Изге Коръәнне олылау

Татарстан Диния нәзарәте 2012 елны Изге Коръән елы дип игълан итте. Бу уңайдан Татарстанның Тарихи-мәдәни мирас елы кысаларында төрле чаралар үткәрелү күздә тотыла. Оештыру комитетының ТР Мөселманнары диния нәзарәтендә узган утырышында сүз шулар хакында барды.

Коръән елын игълан итүгә багышланган мәҗлес «Шамил» мәчете имамы, Казан җирлегенең казые Мәхмүт хәзрәт Шәрәфетдин тарафыннан Коръән сүрәсе уку белән башланып китте.
Мөфти Илдус хәзрәт Фәйз ТР Мөселманнары диния нәзарәтенең бу карары Россиядә беренче басма Коръән китабы чыгуга 225 ел тулуын билгеләп үтүгә нигезләнүен әйтте. Елның максаты рухи кыйммәтләрне пропагандалау, җәмәгатьчелекне Коръән һәм ислам нигезләре белән таныштыру дәрәҗәсен арттыру икәнлеген белдерде. «Коръәни-Кәрим ул - халкыбыз яшәешенең бер күрсәткече, бу дөньяда яшәгән вакытта дөрес юлны күрсәтә торган яктырткычы дип әйтсәк тә була», - диде ул үз чыгышында.
ТР Дәүләт Советының мәдәният, фән, мәгариф һәм милли мәсьәләләр буенча комитеты рәисе, күренекле әдип Разил Вәлиев тә Татарстанда Коръән елын уздыру идеясен хуплавын белдерде. «Без бүген изге ният белән изге эшкә җыелдык. Татар халкы сакланып калуы белән ислам дине һәм Коръәнгә бурычлы. Бездә «китап сүзе» дигән гыйбарә яши. Китапка хөрмәтебез Коръәннән башланган. Аннан «тузга язмаганны сөйләмә» дигән сүз дә бар. Хәлиф Госман заманнарында Коръән аятьләре төрле предметларга, шул исәптән агачка, тузга да язылып йөртелгәнен беләбез. Халкыбызның тарихы турыдан-туры Коръән белән бәйле», - дип ассызыклады ул.
Татарстанның баш казые Җәлил хәзрәт Фазлыев исә Балтач мөселманнарының бу идеяне инде моннан 5 ел элек - 2007 елда ук күтәреп чыгулары турында әйтте. «Муллалар яшәгән йортларны, борынгы мәчетләрне төзекләндерүгә дә игътибар юнәлдерсәк иде», - диде хәзрәт үз чыгышында.
ТР Мөселманнары диния нәзарәтенең уку-укыту бүлеге мөдире Вәлиулла хәзрәт Якупов исә, Казанда бүген дә 50 мең кулъязма китап булуы - бездә тулаем кулъязма китап культурасы калыпланып килүенең ачык дәлиле, дип белдерде. «Әби патша рөхсәте белән, 1787 елда беренче басма Коръән Санкт-Петербургта нәшер ителә. Коръәнне таратуга безнең милләтнең керткән өлеше әйтеп бетергесез», - ди Вәлиулла хәзрәт.
Йомгак ясап әйткәндә, быел Коръән елына багышлап төрледән-төрле 30лап чара уздыру күздә тотыла.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 20 апрель 2018 - 16:55
    «Россия – минем тарихым» проектын 5 500 000 кеше караган Федеральный исторический проект «Россия-Мояистория» уверенно перешагнул отметку 5,5 миллионов, анонсировав сразу несколько крупных рекордов в различных уголках страны. Среди них Санкт-Петербург, привлекший на экспозиции за 5 месяцев 300 000 человек, Пермь,Махачкала и Волгоград, преодолевшие отметку в 100 000 посетителей менее, чем за полгода с момента открытия и Тюмень, где каждый третий школьник области уже побывал в историческом парке.
    16
    0
    0
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    753
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    589
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    439
    0
    0
Ночной режим