Шәһри Казан

Кемгә сөенеч, ә кемгә...

1 гыйнвардан ташламага ия булган 126 мең татарстанлы махсус транспорт талоннары буенча йөриячәк.

Республикада автомобиль һәм шәһәр электр транспортында йөрүдә социаль ярдәмнең яңа кагыйдәләре кертелә. Бу турыда ТР транспорт һәм юл хуҗалыгы министры Ленар Сафин хәбәр итә.
Бүгенгә кадәр ташламага ия булган кешеләр лемитсыз социаль юл йөрү билетыннан файдаланган булсалар, Яңа елдан алар бетереләчәк. Кертелгән яңа кагыйдәләр буенча, ташламаларга ия булган татарстанлылар социаль юл йөрү билетлары урынына транспортта талоннар белән йөриячәк. Талоннар исә социаль юл йөрү билетларын алган урыннарда сатыла. Шунысы бар: талоннар айга 30 тапкыр йөрү өчен генә каралган, ягъни бер капта бары утыз талон гына. Гражданнарның транспорт чараларында ташламалы йөрү санын чикләү транспорт оешмаларының бик күп чыгымнар күрүе белән бәйле, дип аңлата Ленар Сафин. Шул рәвешле 2011 елда транспорт йөртүчеләр 1 миллиардка якын зыян күргән. 1 гыйнвардан исә ташламага ия булган һәр кеше өчен транспорт оешмалары билгеле бер күләмдә акча алачак.
Транспорт йөртүчеләр өчен, әлбәттә, бу искиткеч шәп яңалык, пенсионерлар да моннан әллә ни зыян күрмәс, мөгаен, әмма ташламага ия булган башка гражданнарны бу үзгәреш бер дә сөендермәс.
Олылар өчен 30 талон 342 сум торса, балаларга аны 206 сумга алып була.

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 12 март 2018 - 08:37
    Илсөя Бәдретдиновага роза чәчәге урынына Роза кушаматлы тавык бүләк иткәннәр (ВИДЕО) Илсөя Бәдретдинова бу көннәрдә гастрольләр белән Татарстан һәм Башкортстан буйлап сәяхәт кыла. Аның инстаграмына карасаң, билет сатып алып килгән тамашачы, күчтәнәчсез дә килми икән.
    726
    0
    1
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    571
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    422
    0
    0
Ночной режим