Шәһри Казан

Әкият карарга өлгерегез

Инде хәбәр иткәнебезчә, бу көннәрдә Татарстанда "Шәһәрдә әкиятләр" дип аталган уникаль урам театры проекты эшли. 29 декабрьдән бирле Казан, Чаллы, Әлмәт һәм Түбән Кама шәһәрләре урамнарында әкият персонажлары белән биш театр экипажы йөри.

Ун көн дәвамында музыкантлар, цирк, театр артистлары, әкият геройлары паркка килүчеләргә төрле танылган әкиятләрдән 200 ләп күренеш тәкъдим итәчәк. Аларны паркларда, тукталышларда, җәяүле урамнарда очратырга мөмкин.

"Шәһәрдә әкиятләр" программасына Мәскәү һәм Казан режиссерлары бергә иҗат иткән әсәрләр кергән. Алар моны бу проект өчен махсус эшләгән. Әйтик, яңача куелган "Шүрәле" әкиятендә Константин Хабенскийның Казандагы студиясе һәм Мәскәү режиссеры Алексей Шувалов кул астында эшләүче актерлар уйный. "Ә син Яңа елны каршы алырга әзерме?" дигән спектакльдә Александр Фельдман җитәкчелегендә "Сдвиг" Казан камера театрын күрә алабыз.

Реклама

Салкыннан куркып тормагыз, әлеге матур тамашаны күреп калырга ашыгыгыз. Алар нибары 20-30 минут кына бара. Ә әкият тәмамлангач артистлар тамашачыларга мандарин тараталар. Моның өчен барлыгы бер тонна мандарин әзерләнгән. Һәм барысы да бушка.

Фото: nabchelny.ru

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: