Шәһри Казан

Нәүрүз мөбарәк булсын!

Бүген Казанда Нәүрүз бәйрәме. Быел аны бәйрәм итү өчен яңа мәйданчык билгеләнгән.

Ул Халыкара ат спорты комплексы территориясендә урнашкан «Хан сарае»нда узачак, дип хәбәр итә Казан мэриясе порталы. Бәйрәм кунаклары өчен Татарстан халыклары ассамблеясенә кергән милли-мәдәни автономияләр концерт программасы тәкъдим итәчәк, төрле милли йолалар белән таныштырачаклар. Биредә Нәүрүзне билгеләп үтүче халыкларның милли ашларыннан авыз итәргә дә мөмкин булачак.

«Хан сарае» сәгать унда ачылачак. Сәгать унбердә «Җирнең уянуы» театральләшкән биюле композиция башланачак, 11 тулып 25 минутта рәсми кунаклар катнашучыларны сәламләячәк. Бәйрәм республика Мәдәният министрлыгы һәм Казан башкарма комитеты ярдәмендә Татарстан ассамблеясы һәм Халыклар дуслыгы йорты тарафыннан оештырыла, дип хәбәр итә «Татмедиа» Республика матбугат һәм массакүләм коммуникацияләр агентлыгы.

Реклама

Илдар Мөхәммәтҗанов фотолары

Нәүрүз - кешелек тарихында иң борынгы бәйрәмнәрнең берсе. Ул Кавказ, Үзәк һәм Көнбатыш Азия һәм Идел буенда билгеләп үтелә. Нәүрүз язын көн белән төн тигезләшкән вакытта бәйрәм ителә. Күп илләрдә әлеге вакыйга уңаеннан озын яллар оештыралар. Хәзерге вакытта Нәүрүз, Яңа ел кебек Иран һәм Әфгәнстанда, дәүләт бәйрәме буларак, Тадҗикистан, Үзбәкстан, Киргизия, Казахстан, Төркмәнстан, Әзербәйҗан, Албания, Ирак Курдистаны, Һиндстан, Македония, Төркия, шулай ук Россиядә: Татарстан һәм Башкортстанда үткәрелә. 2009 елда Нәүрүз кешелекнең материаль булмаган мәдәни мирасының репрезентатив исемлегенә кертелде.

Теги: 250
Нравится
Поделиться:
Реклама
Комментарии (0)
Осталось символов: