Соравың булса, безгә кил
Казанда күчемсез милекне үз исемеңә рәсмиләштерү мәсьәләләре буенча Бердәм консультация көне оештырыла. Чара 20 ноябрьдә узачак.
Казанда күчемсез милекне үз исемеңә рәсмиләштерү мәсьәләләре буенча Бердәм консультация көне оештырыла. Чара 20 ноябрьдә узачак.
20 ноябрьдә сәгать иртәнге уннан кичке бишкә кадәр Татарстан Республикасы буенча Росреестр идарәсе Авангардная урамы, 74 нче йортта (7 нче подъезд) Бердәм консультация көнен уздыра.
Мондый чаралар үткәрү республика халкы өчен бик кирәк, чөнки ул бер урында төрле ведомство хезмәткәрләреннән күчемсез милекне рәсмиләштерү буенча профессиональ һәм сыйфатлы консультация алу мөмкинлеген бирә.
Бердәм консультация көнендә ТР буенча Росреестр идарәсе вәкилләре генә түгел, Кадастр палатасы, Пенсия фонды, салым хезмәте, Казан башкарма комитеты һәм БТИ хезмәткәрләре белән дә сөйләшеп булачак. Гражданнарның күпсанлы мөрәҗәгате буенча чарага беренче тапкыр җир һәм милек мөнәсәбәтләре комитеты, опека һәм попечительләр органы вәкилләре дә чакырылган.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар