Шәһри Казан

«Яңа елга өч кенә көн калды...»

Тышта күбәләктәй бөтерелә-бөтерелә кар ява. Бөтен җиһан ап-ак. Аклыкка, матурлыкка төренеп, җиһанга Яңа ел атлады. Шушы бәхетнең, матурлыкның кадерен генә белеп яшисе иде дә бит... Юк шул, әллә нәрсә генә шунда, ашыга-кабалана дөнья куабыз.

Узган елның соңгы көннәрендә Казан - Лаеш юлында берничә машина катнашында зур автоһәлакәт булды. Шушы коточкыч фаҗигадә биш кешенең гомере өзелде, шул исәптән 12 яшьлек малайның да. Аның «ВКонтакте»дагы битеннән: «Яңа елга өч кенә көн калды...» дигән юлларны укып, күпләр тетрәнде. Үзенең яшьтәшләре кебек бу сабый да хыяллана-хыяллана бәйрәмне көткән икән. Әмма аның өчен инде беркайчан да Яңа ел таңы атмаячак...
Дөньяда ел саен кечерәк бер шәһәрдә яшәүчеләр санынча халык автокатастрофада һәлак була. Нинди генә чаралар күрергә тырышсак та, фаҗигаләр саны кимеми. Татарстанда да хәлләр бик аяныч. Узган елның ун аенда 4656 юл-транспорт һәлакәте теркәлгән, анда 580 кеше һәлак булган, 5833 кеше төрле авырлыктагы тән җәрәхәтләре алган. Элеккеге ел белән чагыштырганда фаҗигаләр саны 5,3 процентка арткан. Юл хәрәкәте куркынычсызлыгын тәэмин итү буенча үткәрелгән ТР Дәүләт комиссиясе утырышында ТР Премьер-министры урынбасары Шамил Гафаров: «Мин үземнең хезмәт тәҗрибәмдә мондый начар күрсәткечләрне хәтерләмим, без юл-транспорт фаҗигаләрен киметергә бурычлы»,- дигән икән, димәк, һәммәбезгә дә уйланырга, нәтиҗәләр ясарга, ашкынудан туктарга вакыт. «Бусы инде җитәкчеләр эше», «ЮХИДИ хезмәткәрләре кая карый», «юллары рәтле булмагач аның...» дип, әллә ничә төрле сәбәп табып акланырга була, билгеле. Әмма мондый сыныкка сылтаулар вакытсыз киселгән гомерләрне ялгамый, югалту ачыларын җиңеләйтми шул. Гыйбрәтләр аласы иде.
Сабыйларыбызның әллә нинди татлы хыялларга чумып, матур планнар корып көтеп алган каникуллары дәвам итә. Күбебез гаиләләребез белән ерак юлларга җыенадыр, кайсыларыбызның инде кайтып килешедер. Иң якын кешеләрегез яныгызда, күңелдә матур хыяллар, машина шәп... Әмма сезнең кулларда гап-гади руль генә түгел, ә газиз балаларыгыз язмышы да - шуны онытмасагыз иде.

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    545
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    456
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    342
    0
    0
Ночной режим