Шәһри Казан

Яңа закон проектына 20 мең тәкъдим керде

Дәүләт югары уку йортларын тәмамлаган яшьләрнең яртысыннан артыгы үз белгечлекләре буенча эш таба алмый. Әлеге күренеш дәүләт акчасын җилгә очыру белән бер түгелме соң?! Киләчәктә ил икътисады өчен ихтыяҗ зур булган белгечлекләрне үстерү юнәлешендә эшләү зарури. Дәүләти булмаган югары уку йортларына барлык бюджет урыннарының бер процентын бирү белән бәйле закон...

Реклама

Дәүләт югары уку йортларын тәмамлаган яшьләрнең яртысыннан артыгы үз белгечлекләре буенча эш таба алмый. Әлеге күренеш дәүләт акчасын җилгә очыру белән бер түгелме соң?! Киләчәктә ил икътисады өчен ихтыяҗ зур булган белгечлекләрне үстерү юнәлешендә эшләү зарури. Дәүләти булмаган югары уку йортларына барлык бюджет урыннарының бер процентын бирү белән бәйле закон проекты да икенче укылышка әзерләнә. Болар турында ТР Дәүләт Советында узган матбугат очрашуында алтынчы чакырылыш РФ Дәүләт Думасы депутаты Илдар Гыйльметдинов сөйләде. РФ Дәүләт Думасының мәгариф комитетында карала торган тагын бер закон проекты белем бирү учреждениеләрендә студентларның үзидарә органнарын - Студентлар советларын төзергә мөмкинлек бирәчәк. Әлеге закон нигезендә һәр уку йортында үзидарә органнары булдырылырга тиеш дигән сүз түгел. Ә инде студентлар арасында мондый теләк белдерүчеләр табыла икән, яңа закон аларга тулы хокук бирә. Мәгариф һәм фән министрлыгы тарафыннан әзерләнә торган «Россия Федерациясендә мәгариф турында» дигән закон проектына карата җәмәгатьчелек тарафыннан 20 меңнән артык тәкъдим кергән. Аларны җентекләп өйрәнәчәкләр. Әлеге закон проекты, «Мәгариф турында» һәм «Югары һәм вуздан соң һөнәри белем алу турында»гы Федераль законнарны берләштереп, балалар бакчасыннан алып югары һәм вуздан соң һөнәри белем алу системаларын колачлаячак һәм мәгариф өлкәсендәге төп, нигезле документ булачак.
Илдар Гыйльметдинов бу чакырылышта мәгариф комитетында эшли. «Без комитетка республиканың теге яки бу мәсьәлә буенча позициясен җиткерергә тиешбез», - диде ул. Журналистларның: «Республика мәктәпләрендә рус теленең башка төбәкләр белән чагыштырганда азрак укытылуына ничек карыйсыз?» - дигән соравына Илдар Гыйльметдинов: «Кайсы телне күпме укытырга кирәк икәнлеген Федераль закон нигезендә һәр төбәк үзе билгели. Мин монда, сан турындагы сөйләшүләрне читкә куеп, сыйфат турында сөйләшергә чакырыр идем. Иң мөһиме - атнага ничә тапкыр рус яки татар теле дәресе укытылу түгел, ә аның ничек итеп укытылуы. Рус балаларының татар телен, татар балаларының рус телен үзләштерүе түбән дәрәҗәдә. Укытуның сыйфаты турында ныклап уйланырга кирәк».
Бу сүзләрнең дөреслегенә һәркөн инанып торабыз. Рус балаларына татар теле укытылса да, аларның бик азлары гына телне үзара аралашырлык дәрәҗәдә белә. Моның төп сәбәпләренең берсе - укыту методикасының артык катлаулы булуы. Телне тирәнтен өйрәтүне максат итеп куябыз, ә балалар сөйләм теленә дә өйрәнә алмый калалар. Февраль аенда Татарстанда мәктәпкәчә белем бирү учреждениеләрендә республиканың дәүләт телләрен өйрәтү программасы старт ала. Татарстанда балалар 4-5 яшьтә татар һәм рус телләрендәге 62 сүз белергә, ә инде дүртенче сыйныфта аларның сүзлек запасы 1167 сүзгә җитәргә тиеш. Мәктәп укучылары арсеналында ни өчен нәкъ менә шул сандагы сүзләр булырга тиешлеге дөньяда гамәлдә булган телләрне өйрәтү методикасына нигезләнгән.

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 11 март 2018 - 11:05
    Айгөл БАРИЕВА: «Хис-кичерешләрне исән чагымда әйтеп калдырасым килә» Татарстанның атказанган артисты Айгөл Бариева белән моңа кадәр дә күрешкән, аралашкан, концертларын тамаша кылган бар иде. Тик бу очрашуга кадәр мин аны бөтенләй белмәгәнмен икән дигән нәтиҗә ясадым. Якыннан таныш булмаганнарга бераз кырысрак, артык җитди булып тоелган Айгөлнең хатирәләрдән, истәлекләрдән күңел касәсе түгелергә торган нечкә күңелле, ачык һәм мөлаем ханым икәнлегенә инандык.
    1153
    1
    3
  • 11 март 2018 - 12:00
    И, адәм балалары... Кайчагында мин үземне чит планета кешесе сыман тоям. Җирдә яшәгән бу кавемнең минем нәселемдә дәхеле дә юктыр сыман була. Кайдадыр галәмнең гүзәл җирендә яшәүче бик акыллы һәм бик яхшы кешеләр ниндидер йомыш белән Җиргә төшкәннәрдер дә аны кисәк ташлап китәргә мәҗбүр булып сабый балаларын, ягъни мине онытып калдырганнардыр. Ә Җир кешеләренең берәрсе шул сабыйны бала тудыру йортына алып килгәндер...
    543
    0
    7
  • 11 март 2018 - 09:00
    Алдакчыны ничек танырга? Тормышта төрле хәл була, кайвакыт күзгә карап алдарга да туры килә. Статистика буенча, кеше көне буена 50 тапкыр да алдарга мөмкин икән. Мондый кеше инде чын алдакчы булып чыга. Аларны ялган детекторы ярдәмендә тиз ачыкларга була, әлбәттә. Ә башкача ничек танырга? Күзәтүләр аша.
    401
    0
    0
Ночной режим