Шәһри Казан

Яшьлек белән очрашу

Ышанмыйсызмы? Әйе, яшьлек белән дә очрашып була. Кичә редакциябезгә Әнвәр Хуҗиәхмәтов җитәкчелегендә КФУның механика һәм математика институтының I курс студентлары килеп кергәч, моңа үзегез дә ышаныр идегез әле. Ә Казан университеты шәкертләре, аны-моны әйтеп тормый гына, Надия Фәхретдинова картиналарыннан торган күргәзмәне карый башладылар. Алар белән бергә эш урыныбызга яктылык, яшьлек...

Баш мөхәрриребез Мансур абый аларга барысын да үзе аңлатып, күрсәтеп йөрде. Студентлар, һәр бүлмәгә кереп, газетаны ничек итеп эшләвебезне карадылар. Күзләрендә кызыксыну, күңелләрендә ниндидер ашкыну бар үзләренең.
Бераздан редакциябезнең киңәшмәләр залына җыелдык. Алма төшәрлек тә урын юк иде. Барысы да лекторлары ролен үтәгән Мансур Мортазинны тыңлый. Дөрес, лекторларга хас озын, ялыктыргыч, берьяклы сүз сөйләү генә булмады ул. Баш мөхәррир кыскача гына «Шәһри Казан»ыбыз белән таныштырып узды. Газета кешегә мәгълүмат кына биреп калмыйча, укучыларын да тәрбияләргә тиеш, диде ул. Соңыннан студентлар, бер-берсен бүлдерә-бүлдерә, сораулар яудырдылар. Җавап кына биреп өлгер! Аларга җавап белән бергә бүләкләр дә агыла торды. Редакциягә килгән хатларның барысы да басыламы? Нинди темаларга иҗат итәсез? «Шәһри Казан»га ничек килдегез?
Бүләкләр таралып беткәч, Әнвәр Нуриәхмәт улы газетабызны яратып укуы турында сөйләде. Аныңча, кеше, гомумән, көненә биш-алты сәгать укырга тиеш. Уку ул кешенең рухи ягын ныгыта. Физик яктан гарип булган кеше тулысынча бәхетле була алмаган кебек, рухи яктан гарипләнү дә кешене бәхетсез итә. Кеше һәрвакыт үсәргә, һәрдаим хәрәкәттә булырга тиеш. Бу - чыннан да тәрбия газетасы, дип билгеләп үтте галим һәм мөгаллим. Студентлары да зур дискуссияләрдә катнаша, үзләренең фикерләрен мәкалә итеп тә яза икән.
Әнвәр абыйның студентларына «Мөхтәрәм коллегалар!» дип мөрәҗәгать итүе игътибарымны җәлеп итте. Тагын кайсы мөгаллим шәкертләренә шулай эндәшә әле!
Мәҗлескә килгән яшьләргә Фәнил Гыйләҗев белән икәү шигырьләр укыдык. Үзләре дә мәхәббәт утында янган егет-кызларга мәхәббәт шигыре укудан да тәмлерәк нәрсә юктыр.
Студентлар да, без дә аерылышасы килмичә генә янәдән очрашырга сүз куешып таралыштык. Студентларның язмалары белән газетабызның бүгенге санында ук таныша аласыз.

Реклама

Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
  • Яз җитте бит!
Соңгы комментарийлар
Интервью
  • 22 апрель 2018 - 09:15
    Үрнәк йорт нинди була? 
    Сезнең үрнәк йорт күргәнегез бармы? Аны нинди дип күз алдына китерәсез? Ул башкалардан нәрсәсе белән аерыла да, аңа гына хас нинди үзенчәлекләре бар? Без дә шушы сорауларыбызга җавап табарга дип, Казанның Ямашев урамындагы 74нче йортка юл алдык, чөнки әлеге йортны барып күрергә җитди сәбәп бар иде. Узган атнада аңа рәсми рәвештә «үрнәк йорт» (дом образцового содержания) статусы бирелде.
    49
    0
    0
  • 13 март 2018 - 14:23
    Интернетта Хәния Фәрхинең гаиләсендәге вакыйгага бәйле ВИДЕО пәйда булды 2016 елның җәендә Хәния Фәрхинең кызы Алсу 18 яшендә кияүгә чыккан иде.
    13287
    1
    33
  • 13 март 2018 - 13:11
    «Ни хакым бар минем яшәргә?!» «Ун ел гомеремне заяга уздырдым, - дип уфтанып башлады Айдар сүзен. - Тамагымнан ризык үтмәде, кулым эшкә бармады. Бер караганда гаебем дә юк кебек, әмма дүрт-биш айлык сабыйны көпә-көндез пуля белән тишкән адәмнең җирдә яшәргә ни хакы бар соң?!»
    1064
    0
    5
  • 13 март 2018 - 10:52
    Сайлау көнне рәхәтләнеп бәйрәм итәчәкбез Казанда 2018 елның 1 гыйнварына 906 мең 586 сайлаучы исәпләнә. Россия Федерациясе Президентын сайлаулар көнне, ягъни 18 мартта 450 сайлау участогы эшләячәк. «Эшлекле дүшәмбе»дә сайлау көнен ничек итеп бәйрәмгә әйләндерү турында сөйләштеләр.
    485
    0
    0
Ночной режим