Шәһри Казан

Зәвыксыз «алачыкларның» чоры узды

2013 елда узачак студентларның халыкара җәйге Универсиадасы Казанның икътисадына гына түгел, ә хуҗалык алып бару рәвешенә дә үзгәрешләр кертте.

Зур күләмле реклама корылмалары 1700 берәмлектән артып, башкаланың ямен җибәрә башлаган иде. Шәһәр башкарма комитетында үткәрелгән киңәшмәдә мэр Илсур Метшин: «Казанның тарихи үзәгендә бер генә «еврощит» та калдырылмаячак», - дип искәртте. Үзәк урамнардагы сәүдә киосклары да шушындый ук язмышка дучар. Мэриянең җәмәгатьчелек һәм массакүләм мәгълүмат чаралары белән элемтәләр бүлеге хәбәр иткәнчә, Казанда 2500 сәүдә киоскы исәпләнә. Аларның күбесе сыра һәм тәмәке сатуга махсуслаштырылган. Санитария-гигиена таләпләренә җавап бирмәүләре бер хәл, соңгы вакытларда киоскларда психотроп товарлар сату очраклары да күзәтелде. Яшькә карап торыш юк: мәктәп балаларына да сыра һәм тәмәке сатып җибәрелде.
Киоскларның тәүлек дәвамында эшләве бер яктан уңайлы булса да, төннәрен яшьләрнең һәм сәрхушләрнең җыелышу урынына әверелде. Исерекләр шактый гына киоскларны таладылар, утлар төрттеләр.
«Киосклар билгеле бер чорда хезмәт башкардылар, зәвыксыз «алачыкларның» чоры узды. Кайберәүләр үзләренең сәүдә палаткаларын дүрт кирпечкә менгереп утыртып, электр кертүчегә бер ярты биреп, электр чыбыгы сузалар да: «Бу - шәхси милек. Суд аша гына сүттерәм», - дип, күкрәк кагалар хәтта. Бүген мондый үзешчәнлек барып чыкмаячак. Рөхсәтсез рәвештә бер генә киоск та урнаштырылмаячак», - диде мэр Илсур Метшин.
Казанда быел үзәк урамнардан, шулай ук җәмәгать транспорты тукталышларыннан инде 971 киоск сүтеп алынды. Стационар булмаган әлеге корылмалар кварталара урамнарга һәм ишегалды территорияләренә күчерелә. Монысында да башта киоскның эшчәнлек юнәлеше, теге яки бу территориягә ихтыяҗы тикшерелә. Бер яхшының бер яманы дигәндәй, үзәк урамнардан күчерелә торган сыра һәм тәмәке сатучы киосклар мәктәпләргә һәм башка мәгариф учреждениеләренә якын кишәрлекләргә урнаштырыла күрмәсен иде.

Реклама

Теги: 250
Нравится
Поделиться:
Реклама
Комментарии (0)
Реклама
  • 13 апрель 2018 - 15:47
    «Шәһри Казан» ат җигәргә өйрәтә
  • «TMTV» музыкаль премиясе тапшыру тантанасыннан ФОТОРЕПОРТАЖ
  • Спорт гимнастикасы буенча Россия чемпионатыннан ФОТОРЕПОРТАЖ 18.04.2018
  • Икенчел чимал һәм кием җыю буенча мобиль пункты акциясе. Фоторепортаж
  • Казанда язгы өмә старт алды
  • Иң яхшы хат ташучылар бүләкләүдән ФОТОРЕПОРТАЖ 12.04.2018
  • Яшел Үзән районы Татар Танае авылын су баскан! 11.04.2018
  • Алдавыч боз балыкчыларны куркытмый
  • Авыл хуҗалыгы ярминкәләреннән ФОТОРЕПОРТАЖ
  • Илфак Шиһаповның тууына 50 ел тулуга багышланган кичәдән ФОТОРЕПОРТАЖ 5.04.2018
  • Мәшәкате күп булса да, яз – яз инде ул...
Соңгы комментарийлар
Интервью
  • 14 март 2018 - 14:51
    «Хәләл фермер» Ленар ЛАТЫЙПОВ: «Хатын сайлау берни түгел, сыер сайлап кара син!» Биектау районының Торнаяз авылында «хәләл фермер» белән танышып кайттык. Биш вакыт намазын калдырмаган, шәригать кануннары буенча яшәүче Ленар Латыйповлар гаиләсен күрше-тирәдә шулай атыйлар. Алар ун ел эчендә мөгезле эре терлек санын 250гә җиткергән. Республикада бу – иң күп мал асраучы гаилә фермасы.
    543
    0
    2
  • 14 март 2018 - 16:28
    Лаешта пычрак су «дефицит»ка әйләнәчәк Татарстанның Лаеш районы Чулман белән Идел елгалары кочагына урнашкан. Гаҗәеп матур җирләр.
    453
    0
    0
  • 14 март 2018 - 15:42
    «Гавайи» салаты ясау ЫСУЛЫ Бер порция өчен 40 гр айсберг яки пекин салаты (икесен бергә кушсагыз да була), 50 гр ысланган тавык, 40 гр консервланган ананас, кечкенә генә бер тырнак сарымсак һәм кыздырылган кара ипи кисәкләре кирәк.
    339
    0
    0
Ночной режим