Шәһри Казан

Булат Галиуллин: «Максатым – Әбу-Даби шәһәре»

Апас районы Әлмәндәр авылы егете Булат Галиуллин Эшче һөнәрләр чемпионатында инде тәҗрибәле кеше. Ул узган ел да төбәк этабында «Балта остасы» белгечлеге буенча I урын яулаган.

Ләкин Россия этабындагы ярышларда үзеннән олырак булган хезмәттәшенә юл биргән. Булат, Мәскәүдәге ярышларда конкурстан тыш катнашып, өченче урынга ия булган. Хәзер ул - Россия җыелмасы составында.

- Безне өч айдан өч айга сынап тора­лар. Әлегә Россия җыелмасында алты кеше, алардан бары берәү генә Әбу-Даби шәһәренә барачак. Бу минем максатым. Узган елны, беренче тапкыр гына катнашканга, каушатты. Быел исә җиңел булды. Карап торучы кешеләр дә аз иде. Быел без «Казан ярминкәсе»ндә түгел, ә Казан төзелеш көллиятендә ярыштык, шуңа читтән килгән кешеләр булмады, - ди егет. (Исегезгә төшерәбез, «WorldSkills» узган мәйданчыклар буенча студентлар һәм мәктәп балалары өчен экскурсияләр дә оештыралар әле.)

Реклама



Егет үзе Казан коммуналь хуҗалык һәм төзелеш көллиятенең икенче курс студенты. Казан төзелеш институтына укырга керергә дә исәбе бар.
- Туганнарым шушы көллиятне тәмамлады, хәзер аларның үз төзелеш оешмасы бар. Укырга кергәнче үк үземнең кайда эшләячәгемне белә идем инде. Эшче куллар һәрвакыт кирәк. Ярышларда бакчасарай түбәсен (беседка) җыярга кирәк иде. Барысын да җиренә җиткереп башкарып чыктым. Көллияттәге укытучыларның ­тырышлыгы бу. Иң актив студентларга ­директор акчалата да ярдәм итә, - ди Булат.

Егетнең максаты Әбу-Даби белән генә чикләнми, 2019 елда үзебездә узачак чемпионатта җиңү яулау аның исәбе. Булат көллияттә бары тик «5»кә генә укый. Инженер графикасы, физика фәннәре буенча республика олимпиадаларында да катнаша.
Республика этабында Булат 546 балл җыйган.

Фото: "Татар-информ"

Теги: 250
Нравится
Поделиться:
Реклама
Комментарии (0)
Реклама
  • 16 декабря 2017 в 19:34
    "Татар җыры"нда Хәния Фәрхине искә алдылар
  • Балык, кап, яр буенда ялтырап ят!
  • Ратушада геройларны котладылар
  • “Болгар радиосы” V Милли музыка премиясен тапшыру тантанасы
  • «Үзгәреш җиле»ннән ФОТОРЕПОРТАЖ
  • Горки-Әмәт урман паркында Кыш бабай һәм Кар кызы белән очрашу
  • Дәүләт Советы сессиясендә
  • Казан кичләре
  • Казандагы балалар бакчасында «Балачак китапханәсе» ачылды
  • Йөзү буенча Россия чемпионаты башланды
  • «Миркәй белән Айсылу» спектакленнән ФОТОРЕПОРТАЖ
  • 16 декабря 2017 в 07:33
    Ял көннәрендә көчле буран көтелә
    Бүген, 16 декабрьдә Татарстанда аязучан болытлы һава, урын белән кар, буран көтелә. Көньяктан искән җилнең тизлеге урыны белән секундына 18 метрга кадәр җитәчәк, дип хәбәр итә Татарстан Гидрометеорология һәм әйләнә-тирә мохитне күзәтү идарәсе матбугат хезмәте.
    89
    0
    0
  • 10 декабря 2017 в 10:00
    Герой әби Әминә әби Шәфигуллина – «Элекон» заводы тарихында иң беренче Социалистик Хезмәт Герое исемен алган кеше. Аңа кадәр Татарстанда бу югары бүләккә унҗиде кеше генә ия булган, ул – унсигезенчесе һәм иң гаҗәбе – Герой исемен Әминә әби 36 яшендә үк алган.
    186
    0
    0
  • 10 декабря 2017 в 11:11
    Ялт-йолт килеп торсын өчен Хатын-кызларның күбесе ир-атларга аяк киеменең нинди булуына карап бәя бирә. Пычрак яки тузан кунган ботинка кигән ир затына хатын-кыз борын чөереп кенә карый. Кибеттән сатып кына алган вакытта бөтен аяк киеме дә матур булып ялтырап тора. Тора-бара тоныклана, беренчел матурлыгын югалта. Аяк киемен бакслап ялтыратуның да серләре бар.
    150
    0
    0