«Читтән тормыш матур күренсә дә, күңелемдә нәрсә икәнен үзем генә беләм...»

Тик яман чир чигенергә уйламый. Хәл-әхвәл белешеп Чулпан Йосыпова белән элемтәгә чыктык. 
- Сеңлем алган химиотерапия курслары сәламәтлеген какшатты. Безгә реабилитация узарга кирәк. Бер көне 50 мең сум, ким дигәндә 10 көн кирәк диде табиблар. Бу көннәрдә үзем дә авырып алдым. Ел ахыры, зур чараларга әзерләнәм. Читтән тормыш матур, җиңел күренсә дә, күңелемдә нәрсә икәнен үзем генә беләм. Күп әйбергә күз йомам, дәшми калам. Төшенкелеккә бирелгән мизгелләр дә була, әмма бу мизгел генә. Чөнки зарланып утырырга вакыт юк. Эшлибез, алга атларга тырышабыз. Мин түзәргә, сабыр булырга, төшенкелеккә бирелмәскә өйрәндем кебек инде. Битараф булмаган тамашачыларга зур рәхмәт сүзләрен җиткерәм, - диде Чулпан.