Мин эшли торган «Простор» үзәгендә урнашкан балалар әдәбияты музеена да Илдар абый еш килә иде. Һәм үзе генә дә түгел, аерылмас дусты Шәүкәт Галиев белән. Муса Җәлил, Абдулла Алиш, Бари Рәхмәт, Шамил Гәрәй (ул минем абыем) иҗатына багышланган шундый кичәләр истә калган. Бервакыт мин алар турында балалар газетасына «Якын дуслар» дигән язма да әзерләдем. Илдар абый язманың исемен «Дуслык үлемнән көчлерәк» дип үзгәртте. Миндә хәтта аның кулы белән төзәтелгән әлеге кулъязма да саклана. Әйе, Илдар абыйның иҗади хәзинәсен туплау һәм саклау буенча шактый эш эшлисе бар әле. Мин очраклы рәвештә генә «Таныш моңнар» конкурсының тамашачысы да булдым. Ямадыда әлеге конкурс традициягә әйләнгән. Миңа да Илдар абыйны белгән һәм Казаннан килгән кадерле кунак буларак чыгыш ясарга туры килде. Шулай ук бу хатирәләремне мин Янаул телевидениесе тамашачысына да җиткердем.
Ямадыдан мин Илдар абыйны хөрмәтләүләренә, аны онытмауларына сөенеп кайттым. Илдар ага үзе дә гомере буе Ямады дип янып, аны сагынып яшәде. Уртак һәм ихлас хисләр генә озын гомерле буладыр шул, күрәсең.
Фәридә Сәлимова, Казан шәһәре «Простор» Балалар һәм үсмерләр сәяхәт һәм туризм йортының балалар әдәбияты музее җитәкчесе, методист, югары категорияле педагог.
Вход на сайт
Язмага реакция белдерегез
Реакция язылган инде
Комментарийлар
Без имени
0
0
Безнең якларны күреп кайткансыз икән, Фәридә ханым,бик яхшы. Безнең мәктәпнең 100 еллыгын уздырганда ачылган иде
бу музей. Тагын да баегандыр инде, быел кайтырга кирәк. Рәхмәт сезгә!!!
Комментарийлар
0
0
Безнең якларны күреп кайткансыз икән, Фәридә ханым,бик яхшы. Безнең мәктәпнең 100 еллыгын уздырганда ачылган иде бу музей. Тагын да баегандыр инде, быел кайтырга кирәк. Рәхмәт сезгә!!!
0
0