Артистлардан остарак
Казан балалар цирк мәктәбе укучылары Сен-Поль-ле-Дакстагы XV Европа цирк сәнгате фестиваленнән өч номинациядә җиңү алып кайттылар.
Казан балалар цирк мәктәбе укучылары Сен-Поль-ле-Дакстагы XV Европа цирк сәнгате фестиваленнән өч номинациядә җиңү алып кайттылар.
«Бамбуктагы һава гимнастлары» дип аталган тиңдәшсез номеры белән 13 яшьлек Азалия Хөсәенова һәм 19 яшьлек Рөстәм Галиев «Тамашачылар мәхәббәте» дигән махсус бүләккә һәм Мәскәүнең Зур циркының аерым бүләгенә лаек булды. Әлеге номерның Россиядә генә түгел, хәтта дөньяда да тиңдәше юк, чөнки мондый жанрда эшләргә профессиональ артистлар да батырчылык итми. Номерны әзерләү өчен якынча 3-4 ел вакыт кирәк.
Әлеге номерларын күрсәтү өчен яшь артистлар киләсе елның февраль аенда Монте-Карлода узачак мәртәбәле конкурска чакыру алдылар. Шулай ук аларны Германия, Израиль һәм Япониягә төрле проектларда катнашырга чакырдылар.
Кызыклы яңалыкларны күзәтеп бару өчен Телеграм-каналга кушылыгыз.
Комментарийлар