Озын-озак яллар җитә

Тиздән килеп җитәчәк Яңа ел безгә гадәттәгечә озын яллар бүләк итәчәк. ТРның Хезмәт, мәшгульлек һәм социаль яклау министрлыгы сайтындагы 2013 елга производство календаре буенча, казанлылар 30 декабрьдән 8 гыйнварга кадәр (бу көнне дә кертеп) ял итәчәкләр. 29 декабрь - шимбә көннең ялы 31 декабрь - дүшәмбегә күчерелә. Шимбә көнге эш көне исә 1 сәгатькә кыскарак булачак. Шулай итеп, ТР Хезмәт кодексы нигезендә, 1, 2, 3, 4, 5, 6, 8 гыйнвар көннәре (Яңа ел каникуллары) һәм 7 гыйнвар (Раштуа) Татарстан Республикасында эш көннәре булмаган бәйрәм көннәре булып торалар.
Шунысын да әйтергә кирәк, 2013 елда ТРда ике ял көнле биш көнлек эш атнасында барлыгы 243 эш көне һәм 122 ял көне булачак. Ял көннәре исәбенә шулай ук 18 эш көннәре булмаган бәйрәм көннәре һәм 3 өстәмә ял көне дә керә.