Рөстәм Миңнеханов махсус хәрби операциядә катнашучы мобилизацияләнгән егетләр белән очрашты

Хәзерге вакытта хәрбиләр кыска вакытлы ялда.

Егетләрне сәламләп, Рөстәм Миңнеханов: "Сезгә батырлыгыгыз өчен чын күңелдән рәхмәт белдерәсем килә. Без теләсә нинди ситуациядә һәрвакыт Сезнең белән", диде. 

Республика башлыгы шулай ук Ватан сугышчылары гаиләләре комитетының төбәк штабы активы белән очрашуын искә төшерде. Биредә мобилизацияләнгәннәргә медицина һәм психологик ярдәм күрсәтү, хәрби хезмәткәрләрнең балаларының җәйге ялын оештыру мәсьәләләре каралган. 

Рөстәм Миңнеханов белән очрашу вакытында хәрби хезмәткәрләр республика җитәкчелегенә, муниципаль берәмлекләр башлыкларына, предприятиеләргә үз оешмаларында катнашучыларга даими ярдәм күрсәткәннәре өчен рәхмәт белдерделәр. Алар махсус хәрби операция зонасына хатлар, шигырь, рәсемнәрен җибәрүче балаларга аерым рәхмәт сүзләрен җиткерделәр. 

Мобилизацияләнгәннәр шулай ук отпуск мәсьәләсен оператив хәл ителгәнлеге өчен рәхмәт белдерделәр.

Әңгәмә барышында хәрбиләр шулай ук даими кулланыла торган һәм яңартуны таләп итә торган техника белән тәэмин итү мәсьәләләренә дә тукталдылар. Аерым алганда, алар вездеходлар, шул исәптән медицина кирәк-яраклары (җәрәхәтләнгәннәрне чыгару), авыр техника, аларга запас частьләр кирәклеге турында сөйләделәр. Ашыгыч медицина ярдәме күрсәтү өчен шулай ук дефибрилляторлар кирәк икән.

Бүгенге очрашу барышында яңгыраган барлык мөрәҗәгатьләрне Рөстәм Миңнеханов аерым игьтибарга алды.

"Ышанып әйтә алам, без һәрвакыт ярдәм иттек һәм сезгә булышырбыз. Илебез тынычлыгы өчен куйган батырлыгыгыз алдында баш иябез. Без мөмкин кадәр ярдәм итәчәкбез!- дип нәтиҗә ясады Рөстәм Миңнеханов.

Исегезгә төшерәбез, чара башланганчы Рөстәм Миңнеханов ТРда ДОСААФ тарихы музеенда булды.

Чарада шулай ук ТР буенча баш федераль инспектор Виктор Демидов катнашты.