Беркем дә, берни дә онытылмады

Башкалабыз Казанда бәйрәм тантанасы иртәнге 10 тулганда Ирек мәйданында башланып китте. Иң алгы рәтләрдә җиңүгә үзләреннән зур өлеш керткән, гомерләрен аямый Ватан азатлыгы өчен көрәшкән сугыш ветераннары, тыл хезмәткәрләр, аларның гаиләләре. Быел прогрессив кешелек патриот шагыйрь Муса Җәлилнең 110 еллыгын бәйрәм итте. Каһарман шагыйрь исемен йөрткән опера һәм балет театры алдындагы сәхнәдә ажа багышланган театральләштерелгән тамаша күрсәтелде. Кремль сәгатьләре төгәл 10ны сукканда Мәскәүнең Кызыл мәйданындагы парадның башлануы трансляцияләнде.

Казандагы Җиңү бәйрәменнән мизгелләр (ФОТОРЕПОРТАЖ)

Ирек мәйданына җыелган бар халык Россия Президенты Владимир Путинның бәйрәм котлаваын тыңлады. Аннары сәхнәгә Татарстаныбыз илбашы Рөстәм Миңнеханов чыкты. Ул да барлык ветераннарны һәм республикабыз халкын шушы Бөек көн белән котлап, озын гомер һәм исәнлек теләгәч, Ирек мәйданы буйлап тигез сафка тезелеп, Казан хәрби гарнизоны солдат һәм офицерлары үтте.

Көндезге сәгать өчтә "Казан" Милли мәдәни үзәге алдындагы мәйданнан "Үлемсез полк" үз хәрәкәтен башлады. 45 меңнән артык халык ташкыны сугышта һәлак булган туганнарының фоторәсемнәрен күтәреп, Казан урамнары буйлап, чал Кремль диварларына юнәлде.

Казанда үткән "Үлемсез полк" акциясеннән ФОТОРЕПОРТАЖ

Ә кич белән башкалабыз күген бәйрәм салюты балкытты.

^{Илдар Мөхәммәтҗанов фотолары}