Кирәк була: 1 кг кызыл чөгендер, 70 гр сарымсак, 1 помидор, 1 татлы борыч, 1 суган, 3 аш кашыгы үсемлек мае, 2 чәй кашыгы тоз, 2 чәй кашыгы шикәр комы, 9 процентлы 2 аш кашыгы аш серкәсе.
Чөгендернең тышын әрчеп, угычтан чыгарабыз.
Суганны вак итеп турап, майда алтынсу төскә кергәнче кыздырабыз. Шуңа чөгендер һәм май өстибез. 7-10 минут болгатып, пешерәбез. Вак итеп туралган помидор һәм татлы борычны чөгендергә кушабыз. Капкач ябып, тагын 10 минут пешерәбез.
Сарымсак, тоз, шикәр комы, аш серкәсе салып, 2-3 минут пешерәбез һәм кайнар килеш банкаларга тутырабыз.
Фото: http://freepik.com
Комментарийлар