#Җәмгыять 29 марта 2023, 10:52 Уку өчен 2 минут

Сәлам сезгә, тимурчылар!

29 марта 2023, 10:52

Уку өчен 2 минут

СССР чоры кешеләре тимурчылык хәрәкәтен яхшы хәтерли. Балык Бистәсе районындагы Күки урта мәктәбендә укыганда без – өлкән сыйныфлар укучылары авылыбызның Бөек Ватан сугышы ветераннарына, ялгыз әбиләргә хуҗалык эшләрендә булыша идек.

Скопировать ссылку

Үсмер егетләр кар көрибез, кызлар чишмәдән су алып кайта, идән юа. Шаярыша-көлешә шактый эш башкара идек.

Шул ук Балык Бистәсендәге Балтач (Юлсубино) авылында бер төркем укучыларның капка төбендәге карны көрәүләрен күреп, туктадым.

– Тимурчылар без, мәктәбебездә тимурчылык хәрәкәте яши. Авылыбызда сугыш ветераннары юк инде бүген. Укучылар тыл ветераннарына, ялгыз бабайларга һәм әбиләргә булыша, шулай ук мобилизацияләнгәннәр гаиләләренә дә ярдәм итәбез, – дип таныштырды Юлсубино мәктәбе укытучысы Гөлназ Гыйлемханова.
Замана яшьләре дә нәкъ безнең мәктәп елларындагы кебек шаяра-көлә эшли. Иң куанган кеше – йорт хуҗасы Сәлман Төхбәтов.

– Картаеп барабыз шул, малай да хәрби хезмәттә. Каралты-кура тирәсендәге эшләрне җир җимертеп эшли торган чаклар артта калды. Укучыларга рәхмәт! Мин көне буе азапланачак эшне ярты сәгатьтә үтәп чыктылар, – дип шатлана Сәлман Төхбәтов.

Кызыклы яңалыкларны күзәтеп бару өчен Вконтактега кушылыгыз.