300 грант — 50 миллион сум! Татарстан укучыларын яңалык көтә

Россиянең "Беренчеләр хәрәкәте«нең Татарстан бүлеге 300 мең укучыны һәм студентны, шулай ук 30 мең остазны берләштерә. Татарстандагы «Беренчеләр хәрәкәте» эшчәнлеге «Яшьләр һәм балалар», «Гаилә» илкүләм проектлары кысаларында алып барыла.

Ватанны ярату кирәк

— "Беренчеләр хәрәкәте"нең максаты актив гражданин тәрбияләү. Укучылар, студентлар оештырган чараларда алар үзләре генә түгел, ә бабайлары белән әбиләре, әтиләре белән әниләре дә җанланып катнаша. Республика җитәкчелеге балаларның башлангычларын тормышка ашыруга ярдәм күрсәтә.

Татарстан Рәисе Рөстәм Миңнеханов:"Кеше үз хезмәтендә беренче булырга омтылсын, республикага файда китерергә тырышсын", — ди. Ватанпәрвәр булу, бердәмлекне саклау бик мөһим! — диде Татарстан Рәисе ярдәмчесе, Татарстанда "Беренчеләр хәрәкәте«нең җитәкчесе Тимур Сөләйманов «Татар-информ» мәгълүмат агентлыгында үткәрелгән матбугат конференциясендә. 

Үзеңне күрсәт

— Татарстан Рәисе Рөстәм Миңнеханов "Беренчеләр хәрәкәте«нә теләктәш, 50 миллион сум грант билгеләде. Без әлеге акчаларны конкурста 30 җиңүчегә генә түгел, ә 300 грант итеп, гомумән, республика мәктәпләрендәге башлангыч бүлекчәләргә таратып чыгарга исәплибез, — диде Тимур Сөләйманов.

Татарстанда «Беренчеләр хәрәкәте» төбәк бүлеге рәисе урынбасары Алла Кондратьева әйткәнчә, башлангыч бүлекчәләр үзләренең эшчәнлекләре турында хисап әзерләп конкурска тапшыра. Җиңүчеләр "Беренчеләр хәрәкәте«нең Казанда 8-10 декабрьләрдә узачак «Алга! Поехали!» форумында игълан ителәчәк.

Укучыларның мактаулы эшләре

Лаеш районының 1нче гимназиясендәге Беренчеләр советы рәисе Елизавета Черняева белән Биектау районының Ямаширмә мәктәбендәге Беренчеләр советы рәисе Ильвина Гайнетдинова үзләренең эшчәнлекләре турында сөйләделәр.

• Аларның эшчәнлекләре бер-берсенекенә тәңгәл килә. «Беренчеләр хәрәкәте» әгъзалары —өлкән сыйныфлар укучылары башлангыч сыйныфларга юл хәрәкәте кагыйдәләрен өйрәтәләр, «Хәтер бакчасы» акциясендә агачлар утырталар, зиратларны һәм һәйкәлләрне чистарталар, махсус хәрби операциядә катнашканнар белән очрашулар үткәрәләр, аларның гаиләләренә булышалар икән.