#Җәмгыять 10 июль 2026, 13:25

Айрат Фәррахов:”Буш вәгъдәләр тискәре тәэсир генә тудыра”

10 июль 2026, 13:25

2026 елның 18-19-20 сентябрьләрендә Россия Дәүләт Думасына депутаталар сайлау була

Скопировать ссылку

Айрат Фәррахов:”Буш вәгъдәләр тискәре тәэсир генә тудыра”

2026 елның 18-19-20 сентябрьләрендә Россия Дәүләт Думасына депутаталар сайлау була

Россия Президенты Владимир Путин Указы нигезендә IX нче чакырылыш Дәүләт Думасына депутатлар сайлау билгеләнде.

–Сайлау кампаниясе актив төстә старт алды. 17 партия үзенең кандидатларын күрсәтә. Биектау округыннан Татарстан Дәүләт Советына депутат сайланачак, кандидат әлегә юк. Республиканың 42 мниципаль берәмлегендә муниципаль сайлаулар да үткәрелә. Аларда депутатлыкка кандидатларны 2 августка кадәр күрсәтергә мөмкин. Казан дәүләт медицина университетында сайлаучылар клубы оешты, – диде Татарстанның Үзәк сайлау комиссиясе рәисе Андрей Кондратьев журналистлар белән очрашуда.

Казан дәүләт медицина университеты студентлары сайлау кампаниясенә булышлык күрсәтәчәк. Студентлар участок сайлау комиссияләре әгъзалары белән берлектә хастаханәләрдә авыруларга тавыш бирү мөмкинлеге тудырачак.

–Россия шактый илләрне фашизмнан азат итүдә катнашты. Хәзер шул илләр Россиягә рәхмәтсез мөнәсәбәт күрсәтә. Без фашизмны җиңгән бөек ил. Россия Президенты Владимир Путин күп полярлы дөньяны алга куя. Россия илләрнең тигез хокуклылыгын һәм мөстәкыйльлеген яклый. Дәүләт Думасына ике чакырылышта депутат булдым. Дәүләт Думасында Татарстанга аерым хөрмәтле мөнәсәбәт хөкем сөрә, Татарстан исеменнән чыгыш ясау дәрәҗәле. Татарстанның уңышлы башлангычлары һәм тәҗрибәсе башка төбәкләрдә үрнәк итеп алына. Депутатлыкка кандидатлар буш вәгъдәләр бирмәсеннәр, чөнки буш вәгъдәләр халыкта тискәре тәэсир генә тудыра, – диде Казан дәүләт медицина университеты ректоры Айрат Фәррахов.

Татарстанда 43 мең яшь кеше быел тәүге мәртәбә тавыш бирәчәк.
–Яшьләр сайлауларга карата җаваплылык тойсыннар иде. Сайлау – олы сәяси вакыйга ул, илнең киләчәге өчен тавыш бирәбез. Һәр кешенең катнашуы һәм тавыш бирүе әһәмияткә ия. Ватанпәрвәрлек һәм бердәмлек бик мөһим, – диде Айрат Фәррахов.

Кызыклы яңалыкларны күзәтеп бару өчен безнең МАХ каналына кушылыгыз.

‹ ›