Бу хакта Россия Федераль салым хезмәтенең Татарстан Республикасы буенча идарәсенең Дәүләт хезмәтләре күрсәтү бүлеге башлыгы Гөлфия Каюмова хәбәр итте. Аның сүзләренчә, салым белдерүләрен тарату сентябрь ахырында башланган. Салымны 1 декабрьгә кадәр түләргә кирәк.
Ә балигъ булмаган бала исеменә салым килсә, нишләргә?
Милек салымы күчемсез милеккә ия булган кешеләргә исәпләнә. Фатир яки башка күчемсез милек балигъ булмаган бала исеменә теркәлгән очракта да салым түләргә кирәк.
— Кайбер ата-аналар балигъ булмаган баланың эш урыны юк, шуңа күрә аның өчен салым түләргә кирәкми дип уйлый. Милекне бала исеменә теркәү еш кына ипотека рәсмиләштергәндә башкарыла: ата-ана баласына күчемсез милектән өлеш бүлеп бирә. Бу очракта бала балигълык яшенә җитмәгән булса да, салым түләүче булып санала. Аның милке өчен салымны законлы вәкилләре — әти-әнисе түләргә тиеш, — дип аңлатты Гөлфия Каюмова.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар