«Гырон-быдтон»: йөз тапкыр ишеткәнче, бер тапкыр барып күр
28 июньдә Балтач районының Чепья авылында удмурт мәдәниятенең «Гырон быдтон» бәйрәме узачак.
28 июньдә Балтач районының Чепья авылында удмурт мәдәниятенең «Гырон быдтон» бәйрәме узачак.
Татарстанның мәдәният министры урынбасары Дамир Натфуллин билгеләп узганча, республикада үтә торган милли бәйрәмнәр, шул исәптән “Гырон-быдтон” Татарстан Рәисе Рөстәм Миңнеханов теләктәшлеге белән оештырыла һәм елдан-ел аларда катнашучыларның саны арта бара.
Балтачта чыга торган Азьлане удмурт газетасы 1938 елда ук районда “Гырон-быдтон” узуы турында язган булган. Бәйрәмдә ат ярышлары да оештырылган, аларда хәтта хатын-кызлар да катнашкан.
– 2006-2012 елларда республика масштабындагы бәйрәм районның Чепья авылында үтте. Бу районыбызда милли бәйрәмнең традиция һәм гореф-гадәтләре сакланып килүе турында сөйли, – дип билгеләп үтте район башкарма комитеты җитәкчесенең социаль мәсьәләләр буенча урынбасары Илһам Гайнетдинов журналистларга.
Быелгы бәйрәмнең үзенчәлеге – удмуртларның милли уен коралы кубыз булачак. Кубызда уйнау традициясе дә нәкъ менә Балтач удмуртларында сакланып клаган.
Бәйрәмгә Башкортстан, Киров һәм Мари Эльдән дә киләчәкләр. Барысы егермедән артык коллектив катнашыр дип көтелә.
Кызыклы яңалыкларны күзәтеп бару өчен безнең МАХ каналына кушылыгыз.
Комментарийлар