#Җәмгыять 22 июль 2026, 16:39

Камчаткадан Африкага кадәр: Казанда дөнья осталарын җыйган этнофестиваль ачылды

22 июль 2026, 16:39

Бүген Казан шәһәренең Осталар үзәге галериясендә (ЦУМ) “Тормыш стиле – Мәдәни код” этно-фестивале үз эшен башлап җибәрде.

Скопировать ссылку

Камчаткадан Африкага кадәр: Казанда дөнья осталарын җыйган этнофестиваль ачылды

Татарстан мәдәният министры урынбасары Дамир Данил улы Натфуллин әлеге чараның елдан-ел популярлаша баруын һәм Россия төбәкләре генә түгел, чит илләрдән дә һөнәрчеләр килүен әйтте.

Башкалабыз “Ислам дөньясының мәдәни башкаласы” дигән статус йөрткән елда, фестиваль бишенче тапкыр Россия төбәкләреннән һәм чит илләрдән килгән осталарны, һөнәрчеләрне, дизайнерларны һәм модельерларны җыйды. Быелгы фестиваль беренче тапкыр яңа мәйданчыкта – осталык үзәгендә уза. Әлеге чара мәдәниятне бәяләүчеләрне берләштерүче урын. Фестивальгә килүчеләрне зур ярминкә, эшлекле программа һәм 40тан артык дизайнерларның хезмәт җимешләре күрсәтеләчәк чаралар көтә.

Бишенче тапкыр узучы әлеге фестивальгә кайсы гына төбәкләреннән килмәгәннәр. Илебезнең Камчаткадан алып Калининградка кадәр, чит илләрдән Индиядән алып Африкага кадәр килүчеләр бар. Һәр төбәк үзенең үзенчәлекле эшләнмәсен алып килгән. “Фестивальнең төп максаты – мәдәни мирасны саклау, аны киләчәк буынга җиткерү. Әлеге чара елдан-ел киң колач белән оештырыла һәм бирегә катнашырга теләүчеләр саны да арта бара. Россиянең 30 төбәгеннән тыш, ун чит илдән дә осталар килде. Биредә алар белән төрле очрашулар узачак. Кул эшләнмәләре, осталар белән очрашырга теләгән республика халкын Осталар үзәге галереясендә көтеп калабыз”, – диде мәдәният министры урынбасары Дамир Натфуллин.

Күргәзмә 26 июльгә кадәр дәвам итәчәк.

Кызыклы яңалыкларны күзәтеп бару өчен безнең МАХ каналына кушылыгыз.

‹ ›