#Җәмгыять 09 июль 2026, 15:00

Казан Экспода «Агроволга-2026» ачылды: авыл хуҗалыгы, дроннар һәм кооперация бер мәйданда

09 июль 2026, 15:00

Казанда авыл хуҗалыгы, авиация һәм кулланучылар җәмгыяте бер мәйданга җыелышты.

Скопировать ссылку

Казан Экспода «Агроволга-2026» ачылды: авыл хуҗалыгы, дроннар һәм кооперация бер мәйданда

Казанда авыл хуҗалыгы, авиация һәм кулланучылар җәмгыяте бер мәйданга җыелышты.

Татарстан башкаласында 8-10 июльләрдә “Казан Экспо” халыкара күргәзмәләр үзәгендә “Агроволга 2026” халыкара агросәнәгать күргәзмәсе эшли.

Чарада Россиянең 38 төбәгеннән, шулай ук Кытайдан, Белоруссиядән һәм Төркиядән 400 компания катнаша. Күргәзмәдә авыл хуҗалыгы техникасы, терлекчелек һәм үсемлекчелек, цифрлаштыру, азык эшкәртү, авыл хуҗалыгы төзелеше, агротуристлык экспозицияләре тәкъдим ителә.

“Агроволга 2026” кысаларында, кулланучылар берлеге предприятиеләренең һәм оешмаларының халыкара форумы да бара. Ул Россия кулланучылар берлегенең 195 еллыгына һәм Татарстан кулланучылар берлегенең (“Татпотребсоюз”) 110 еллыгына багышланды. Татарстан Рәисе Рөстәм Миңнеханов пленар утырышта кооператорларга хезмәт уңышлары теләде.

–Минем үземә дә кулланучылар җәмгыятендә эшләп алырга туры килде. Авыл үсешенә нинди зур хезмәт өлеше кертүегезне бик яхшы аңлыйм. Республиканың кулланучылар берлегенә алга таба да ярдәм күрсәтеләчәк, – диде Рөстәм Миңнеханов.
“Казан Экспо”да 8-10 июльләрдә “Дрон Экспо 2026” пилотсыз авиация системалары һәм аппаратлары күргәзмәсе белән дә танышырга мөмкин.

Автор фотолары

Кызыклы яңалыкларны күзәтеп бару өчен безнең МАХ каналына кушылыгыз.

‹ ›