Су булмаса бик авыр. Бигрәк тә авыл җирендә. Чәй куеп, ашын пешерергә, юынырга гына түгел, малларга да кирәк.
Скопировать ссылку
Су булмаса бик авыр. Бигрәк тә авыл җирендә. Чәй куеп, ашын пешерергә, юынырга гына түгел, малларга да кирәк.
Аллаһ сакласын, ут-күз чыгудан.
Актаныш районының Апач авылы халкы да бу көннәрдә су юклыктан интегә. Инде 17 гыйнвардан бирле сусыз тилмерәбез, дип мөрәҗәгать итте алар безгә. Айзилә Рәхмәтуллина сөйләвенчә, Апачлылар суны күрше авылдан алып кайтырга мәҗбүр.
– Су эзләп чыгып китәргә, җитмәсә, юлы да юк әле аның. Бөтен кешедә техника да юк. Күрше авылдан да су теләнеп йөреп булмый, алар да су өчен акча түли. Су алып кайтырга мөмкинлекләре булмаган кешеләр кар эретеп, шул суны эчәргә мәҗбүр, – дип зарын түкте ул.
– Ирем Фәнүс агрофирмада “КамАЗ” йөртә. Кайдан ала ала, суны шуннан алып кайта. Бер сыерга көненә 80 литр су кирәк дип исәпләсәң дә, аларга гына да 250 литр су китә. Чирүдә энемнәрдән барып алыр идек тә, әле бураннан соң юллар юк, – ди ул.
Күпләп терлек тотучы Динар Хәмзин белән Марс Ялалов сөт машинасында эшлиләр, алар да суны каян туры килә, шуннан алып кайта. Калганнары да үз транспорты белән ташый. Мондый хәл бер Апачта гына түгел икән.
Комментарийлар