Ходай сүзен кулланырга ярыймы?
“Элек өлкәннәр: “И Ходаем!”, “Ходайга шөкер!” – дип сөйләшә торганнар иде. Хәзер кайбер кешеләрнең әйтүенчә, Ходай сүзен кулланырга ярамый икән. Бу дөрес сүзме?”
“Элек өлкәннәр: “И Ходаем!”, “Ходайга шөкер!” – дип сөйләшә торганнар иде. Хәзер кайбер кешеләрнең әйтүенчә, Ходай сүзен кулланырга ярамый икән. Бу дөрес сүзме?”
Яңа Шигали мәчете имам-хатыйбы Данис Баһаветдинов җавап бирә:
– Чынлап та, Аллаһның исемнәре арасында Ходай дигәне юк. Әмма кеше Ходай дип әйткәндә, динебезгә каршы килә торган ниндидер потларны, аерым башка бер илаһны түгел, Аллаһы Тәгаләне күз алдында тотып әйтә. Һәм болай дип әйтү тыелмый. Пәйгамбәребез салләллаһу галәйһи вә сәлләм бер хәдисендә: «Аллаһның туксан тугыз исеме бар. Кем дә кем аларны саный һәм алар белән Аллаһы Тәгаләне зикер итә, аның алдында җәннәт ишекләре ачылыр», – ди. Димәк, Аллаһы Тәгаләгә Үзен сыйфатлаган исемнәр белән мөрәҗәгать итсәк, күркәмрәк булыр.
“Кечкенә балаларга Аллаһы Тәгалә турында Алла бабай дип аңлатабыз-сөйлибез. Алай дию гөнаһ түгелме?”
Татарстан мөселманнары диния нәзарәтенең шәригать бүлеге җитәкчесе Ленар Хамматов:
– Кечкенәдән балаларга Аллаһы Тәгалә яисә Аллаһ Раббыбыз, Тәрбияләп торучыбыз дип әйтеп өйрәтергә кирәк. Алла бабай дисәк, бала шунда ук аны кеше яки башка образда күз алдына китерергә мөмкин. Шуңа да болай дип әйтү дөрес булмас. Бала бу дөньяны Аллаһ барлыкка китергәнлеген, без кешеләр дә баштан ук матур кеше рәвешендә бар булганлыгыбыз, ә маймылдан барлыкка килмәгәнлегебезне белеп үссен. Алар дөньяны кечкенәдән дөрес күзалласын.
Дилбәр Гарифуллина әзерләде
Кызыклы яңалыкларны күзәтеп бару өчен безнең МАХ каналына кушылыгыз.
Вход на сайт
Язмага реакция белдерегез
Мөһим
-
#Язмалар
Машина отучы ике гаилә: «Бу могҗизага тиң»
-
#Сәясәт
Татарстанда сайлаулар нәтиҗәләре буенча экзитпол мәгълүматлары игълан ителде
-
#Сәясәт
Татарстанда тавыш бирү тәмамланды, тавышларны санау башланды
-
#Сәясәт
Роза Гайнетдинова: «Тавыш бирүдә катнашкан кешеләргә рәхмәт!»
-
#Сәясәт
Татарстанда сайлаучыларның 72,4 проценты тавыш биргән
Комментарийлар
9
3
АЛЛАҺ Тәгаләдән һич курыкмаган бәндәләр генә оялмыйча "ходай" дигән мәгънәсез исем-кушамат белән Раббыбызга мөрәҗәгать итәләр, әстәгъфируЛЛААҺи тәүбә!Мин сезгә һәм ул "хәзрәткә" Әл-Әгъраф Сүрәсенең 179 - 180 Аятләрен укырга киңәш итәр идем!
0
0
10
4
Татар баласының күбесенчә АЛЛАҺ Тәгалә дип әйтергә теле әйләнми, язарга кулы бармый!Шул ук вакытта "Алла, Аллакай, ходай" дип әйтергә һич тартынмыйлар, оялмыйлар, курыкмыйлар!!!???
0
0
8
3
Данис хәсрәт, син ул сүзләрең белән Коръәнгә һәм Сөннәткә каршы барасың, АЛЛАҺ Тәгалә каршында җавап тотасыбыз бар, ин шәә АЛЛААҺ!
0
0