Бу атнада сәламәтлеккә аеруча игътибарлы булу сорала, хәлсезлек сизсәгез, ял алыгыз.
Кучкар (21 март - 20 апрель) Бизнес өлкәсендә дә, мәхәббәттә дә сөенечле вакыйгалар күп булыр. Үгезне мөгезеннән эләктерергә ярата торган гадәтегезне ташлап, бераз сабыррак булу комачауламас иде.
Үгезбозау (21 апрель - 20 май) Эш белән бәйле сәфәрләрегез уңышлы булыр. Сөйгәнегез белән икегез арасындагы үзара аңлашылмаучанлыкны үпкәләшүгә китереп җиткермәгез.
Игезәкләр (21 май - 21 июнь) Көчегез, энергиягез артканны, илһам килүен сизәрсез. Моннан файдаланып калыгыз, вакытыгызны бушка үткәрмәгез. Ә менә акчагызны артык туздырмасагыз яхшырак булыр.
Кысла (22 июнь - 22 июль) Күңелегезгә ошамаган кешеләр белән аралашмыйчарак торыгыз. Иң яхшысы – күңелегезне аңлый торган кеше белән серләшү. Кешеләргә артыгы белән ышанасыз бугай.
Арыслан (23 июль - 23 август) Күптән хыялланган планнарыгызны тормышка ашырыр вакыт җитте! Кыска вакытлы мөнәсәбәтләр белән мавыкмагыз, сезгә дигән сөйгән яр үзен озак көттермәс.
Кыз 24 август - 23 сентябрь Кызларны акчалата бүләк көтә. Бу премия, я булмаса, башка төрле көтелмәгән керем булырга мөмкин. Спорт белән шөгыльләнегез, сәламәтлегегезгә игътибарлырак булыгыз.
Үлчәү (24 сентябрь - 23 октябрь) Эштә күңелле яңалыклар көтә. Кайберәүләрнең хәтта чит илгә яшәргә күченеп китү ихтималы да бар. Зур чыгымнар таләп итә торган мәшәкатьләрне бүтән вакытка кичектереп торырга киңәш ителә.
Чаян (24 октябрь - 22 ноябрь) Эчегезне тырнап торган сорауларыгызга үзегез үк җавап табарсыз. Өйдә тавыш чыкмасын дисәгез, иң яхшысы – бер-береңә юл кую, аерылышу турында уйламагыз да!
Укчы (23 ноябрь - 21 декабрь) Гаиләдәге, эштәге уңышсызлыклар әкренләп артка чигенер. Моның өчен дусларыгызга рәхмәт әйтегез, алар ярдәм кулы сузар. Атнаның икенче яртысындагы уңышлар бигрәк тә сөендерер.
Кәҗәмөгез (22 декабрь - 20 январь) Максатларыгызга ирешү өчен менә дигән мөмкинлек килеп чыгар, кулдан ычкындырмагыз. Бик авыр сыман тоелган эшкә алынырга да курыкмагыз. Гаиләгезгә, балаларыгызга игътибарыгызны киметмәгез.
Сукояр (21 январь - 18 февраль) Таныш булмаган яки күптән түгел генә танышкан кешеләргә ышанмаска, сак булырга киңәш ителә. Эштә җитәкчегез тарафыннан мактау сүзләре ишетерсез. Әмма борыныгызны бик өскә чөймәгез.
Балык (19 февраль - 20 март) Балыкларны яраткан кешесе сөендерер. Кайбер Балыкларның мәхәббәт маҗаралары хәтта туй белән тәмамланырга мөмкин. Бу атнада сәламәтлеккә аеруча игътибарлы булу сорала, хәлсезлек сизсәгез, ял алыгыз.
Комментарийлар