Сәламәтлегегезгә игътибарны арттырыгыз: 5-12 июльгә йолдызнамә

Кучкар (21 март - 20 апрель)   
Эштә хезмәттәшләрегез белән түземрәк булырга киңәш ителә. Гомумән бу атнада ыгы-зыгыдан ерактарак булуыгыз яхшырак. Гайбәттән читтәрәк йөрегез – белмимнең башы авырмый, ди татар халкы. 

Үгезбозау   (21 апрель - 20 май)
Үз эчегезгә бикләнергә, ялгыз калырга ярамый, күбрәк кеше арасында булырга тырышыгыз. Позитив дуслар белән аралашу сезне депрессиядән саклап калыр. 

Игезәкләр (21 май - 21 июнь) 
Шәхси тормышыгыз турында онытып торырга туры килер мөгаен. Чөнки сез баш-аягы белән эшкә чумгансыз. Гаиләдәгеләр аларны үзләренә игътибар җитмәүдә гаепләргә мөмкин. Сабыр булырга тырышыгыз.

Кысла  (22 июнь - 22 июль) 
Тормышыгызны үзгәртергә вакыт җитмәде микән? Күңелегез кушканча яшәп карагыз әле, бәлки үзегезгә дә ошап китәр. Моңарчы эшләп карамаган эшләргә алынырга да курыкмагыз.

Арыслан  (23 июль - 23 август) 
Яраткан кешегезне аңларга тырышып карагыз әле. Гөлт итеп кабынып китә торган гадәтегез аркасында төзәтеп булмый торган хаталар ясап атмагыз. Атна азагында күңелле хәбәр алырсыз.

Кыз  24 август - 23 сентябрь 
Карьера баскычында үсеш булырга мөмкин, форсатны кулдан ычкындырмагыз. Гаилә белән ял итәр, сәяхәткә чыгар өчен дә уңышлы атна. 

Үлчәү  (24 сентябрь - 23 октябрь) 
Сабыр төбе – сары алтын, дигән халык мәкале бу атнада нәкъ Үлчәүләргә атап әйткән кебек. Йолдызлар сезгә тыныч һәм сабыр булырга куша. Парын эзләүчеләрнең мәхәббәтен очратуы ихтимал. 

Чаян  (24 октябрь - 22 ноябрь) 
Эшнең өсте-өстенә өелгән булуы, уйламаган-көтмәгән җирдән мәшәкатьләр килеп чыгу Чаяннарның тотрыклыгын бераз какшатырга мөмкин. Төшенкелеккә бирелмәгез, озакламый сезнең урамда да бәйрәм булыр.

Укчы  (23 ноябрь - 21 декабрь) 
Хыял диңгезендә йөзүдән файда юк. Мәхәббәт турында онытып торырга туры килер. Иң яхшысы – җиң сызганып эшкә тотыну. Атна ахырында финанс хәлегез яхшырыр.  

Кәҗәмөгез  (22 декабрь - 20 январь) 
Эш, эш дип чабуыгыздан туктап як-ягыгызга карарга онытмагыз. Бар эшне читкә куеп, шәхси тормыш турында уйлар вакыт җитте. Язмыш сезгә көтелмәгән бүләк әзерли. 

Сукояр  (21 январь - 18 февраль) 
Сезгә рәхәтләнеп ял итәргә, көч-куәт тупларга киңәш ителә. Сәламәтлегегезгә игътибарны арттыру да артык булмас. Сәламәт яшәү рәвеше – сезнең бу атнага девизыгыз шул.

Балык  (19 февраль - 20 март) 
Үз эчегезгә бикләнмәгез, кешеләр янында булырга тырышыгыз. Кинога, концертка барыгыз, табигатькә чыгыгыз. Гаиләле Балыклар балалары, ире, хатыны турында онытмасын – алар сезнең игътибарга мохтаҗ.