Яратам да, оныта алмыйм да, ачуым да килә
Хөрмәтле редакция! Исемемне атамаска рөхсәт итегез, чөнки үзем дә, гаиләм дә бик авыр хәлдә.
Хөрмәтле редакция! Исемемне атамаска рөхсәт итегез, чөнки үзем дә, гаиләм дә бик авыр хәлдә.
Әмма күңелемдәге бу кыенлыклар белән бүлешергә, олырак һәм тәҗрибәлерәк кешеләрдән киңәш сорарга мәҗбүрмен.
Күптән түгел зур сынау килде: 6 ай элек ирем белән аерылыштык. 30 ел иңне-иңгә куеп тормыш иттек. Өч балабыз бар. Бергә йорт төзеп кердек. Көннәрдән бер көнне эшкә чыгып киткән җиреннән өйгә кайтмады. Олы улыбыз гаиләле, шәһәрдә яши. Кечеләре минем янымда, икесе дә акыллылар. Ирем эштән кайтмагач әллә ниләр уйладык. Ә ул кире өйгә кайтмаячагы, башка хатынга йортка керүе турында уртанчы улыбызга шалтыратып әйткән. Шок булды, күңелдә бушлык барлыкка килде.
Ул – бик яхшы кеше. Без бернигә дә тилмермәдек, олы улыбызга фатир алып бирде. Машина өстенә машина алыштырдык. Ихтирамлы яшәдек, ял итәргә дә бергә йөрдек. Ләкин шул хатын белән очрашып йөрүе, ахырдан аңа йортка керүе гаиләбезне җимерде. 3 ай дәвамында күрешкәннәр икән. Мин аерылу турында гариза бирдем. Ул яңа хатыны белән 2 ай яшәде, аннары авылга, әти-әнисеннән калган йортка кайтты. Кайнана-кайнатам күптән мәрхүм инде, ирем бер үзе генә яши.
Хәзер ул гафу үтенә. Ике тапкыр яныма килеп, «Кире кушылыйк, ялгыштым», диде. Туганнары, малайлар да аны гафу итәргә өнди. Җитмәсә, бизнесыбыз да уртак, бөтен туганнарым аны ярата.
Мин нишлим? Аерылышу бик авыр булды. Һәм хәзер дә авыр. Яратам да, оныта алмыйм да, ачуым да килә. Малайлар минем янымда гел-гел тормаячак, үзем генә ялгыз калачакмын. Уйларым чолганышында калам да, төннәр буе йоклый алмыйча чыгам. Бер яктан, иремнең хыянәтен гафу итәргә, икенче яктан – үземә карата хөрмәт хисен саклау.
Миңа – 50 яшь, иремә – 52 яшь. Улларым әтиләрен гафу итте, авылга аның янына кайтып йөриләр. Әнием дә: «Кушылыгыз, ул ялгышкан», – ди. Киңәш бирегез, бу хәлдә нишләргә?
Исемемне күрсәтмәвегезне сорыйм.
Вход на сайт
Язмага реакция белдерегез
Мөһим
-
#Сәясәт
«Татарстан – Яңа гасыр» депутатлар төркеме 2025 елгы эшенә нәтиҗәләр ясалды
-
#Спорт
17-18 яшьлек егетләр арасында Татарстан беренчелегендә беренче булып кемнәр көрәшәчәк?
-
#Җәмгыять
Татарстан контрактка кул куйганнарга 2,9 млн сум түләячәк
-
#Җәмгыять
Татарстан Иҗтимагый палатасының рәисе итеп Александр Терентьев сайланды
-
#Җәмгыять
“Шәһәрне төзекләндерү” предприятиесенең бу елы сөенечле башланды
Комментарийлар
18
3
Кичерегез!Нишлэп сез уз ирегезне ят хатынга бирергэ тиеш!
0
0
11
6
Клин клином выбивают, узегезгэ дэ ирегез остеннэн йореп алырга кирэк.
0
0
8
3
Хэерле коннэр. Кушылыгыз. Гафу итегез. Алдагы коннэр турында уйлагыз.. Кем ялгышмый.
0
0
9
0
Ялгыз булгач өйнең дә яме юк,салкын чәй жырындагыча,гафу итегаз.
0
0
14
5
Кичерегез, үткәннәр онытылмаса да, уйламаска тырышыгыз. Горурлыкны кочаклап ятып булмый, алда ни буласын кем белә. Ирегез ялгышкан, инде сез акыллы хатын булыгыз, ялгышмагыз. Бәхетле тигез тормышта яшәүгә ни җитә!
0
0