Туфракны ничек зарарсызландырырга?

Әгәр дә сез туфракны сатып алмыйсыз, бакчадан тутырасыз икән, аны зарасызланлыру таләп ителә.

Әгәр дә туфракны туңдырсаң (-15 градус тирәсе) һәм салкында 1 атна тотсаң, андагы бөҗәкләр үләчәк. Бер атнадан соң җылыга кертегез, аннан тагын салкынга чыгарыгыз. Шулай берничә тапкыр кабатларга кирәк.

Духовканы 70-90 градуска кадәр җылытып, 30 минут тирәсе шунда куеп тору да туфракны зарарсызландыра.

Химик ысул кулланырга ниятләсәгез, Превикур, Энерджи, Фитолавин кебек фунгицидлар, водород перекисе (1 л суга 20 мл исәбеннән) кебек препаратлар ярдәмендә зарарсызландырырга була.

Бу ысулларның кайсын куллансагыз да, орлыкны утыртканчы башта җирне иләк аша иләгез. Аннан 10 л туфракка 150-200 гр агач көле салып бутагыз.

Шулай ук утыртырга алдыннан файдалы микроорганизмнарга баетылган субстрат кушарга кирәк булачак.