Кайсы яшелчәләрне тутыралар?

Уңыш җыя торган чор. Шуңа да файдалы ризыкларны ашап калыгыз.

Әгәр дә борыч тутырырга уйлыйсыз икән, "Петровчанка" сортына өстенлек бирегез. Аның "ите" күп, ә кабыгы юка була. Шуңа да ризык хуш исле һәм сусыл булачак.

• Борычларны тулысынча яисә урталай кисеп, "көймәчек" ясап тутырырга мөмкин.

Томатлар тутырып пешерү өчен идеаль яшелчә. Ул йомшак, сусыл. Ит, дөге, яшелчәләр белән үзара бик яхшы яраклаша.

• Бигрәк тә тыгыз кабыклы, буш эчле сортлар - "Нина", "Наша Маша" моның өчен яхшы булачак.

Әгәр дә баклажан тутырырга ниятлисез икән, "ЭПИК F1" сортлысын карагыз. Ә ташкабакның "НЕФРИТ" сорты моның өчен идеаль булачак.

Кабак - көзен тутырып ашый  торган иң популяр яшелчәләрнең берсе. "Марисоль F1" сортлы бәләкәй генә кабак чикләвекләр, яшелчәләр, ярмалар белән тәмле булачак.